LlGC Llsgr. Peniarth 32 (Y Llyfr Teg) – tudalen 237
Breuddwyd Pawl
237
noc amser. ac ẏ gỽelynt yn lle arall. llawer o wra+
get noethon o dillad. a nadret. a|than. a seirff yg+
hylch eu mynygleu. a|r seirff a ogyffredynt kyrn
tanolyon yn fustaỽ y gỽraget. a gouyn a|wnaeth
pawl. y|r. agel. pỽy yỽ y gỽraget racco. y rei a lathas+
sant ac a uodassant eu meibyon. ac ỽylaỽ. a|wnaeth.
pawl. a dywedud. gwae. y|r pechadury+
eid eu geni. a dywedud a|wnaeth yr agel. beth
a ỽyly di ny weleist di y poeneu mỽyhaf. kan+
lyn di vi a thi a|e gỽely. a|cherded a|wna +
ethont y|r lle y gỽylynt pydeỽ arỽytocaedic
o seith inseil. a dywedut. a|wnaeth. yr agel. ỽrth. paỽl. saff
ẏm·pell ny elly odef arogleu y lle hỽn. ac ago+
ri a|wnaethpỽyd y pydeỽ hỽnnỽ. a dyuod a
wnaeth ryỽ arogleu o hỽnnỽ. a oet waeth no|r
holl poeneu ereill. ag* y gỽelynt dynyon kyf ̷+
laỽn o dan yn ymdyrchafel e|hunein. a gouyn. a|wnaeth.
pawl. y|r agel. Pa|ryỽ le yỽ hỽn. ỻyma uffern yn|y
lle y disgynassant yr holl eneideu kyn·no dyuo+
dedigaeth yn arglỽyt ni iessu grist. a|r proffỽy+
di. a|r holl uyd a|uuant dreigyledic ẏ uffern. a|r
gar* drugaraỽc arglỽyt a|warandewis cỽyn ̷+
uan y|rei hẏnnẏ. a discynnu a|wnaeth ẏr ar ̷+
glỽyd a dỽyn a|wnaeth gantaỽ ran ac adaỽ
ran a|wnaeth o·honunt. Pỽy bynnac ac a an ̷ ̷+
uonher dẏtbraỽd y|r pydeỽ hỽnnỽ. y|eneid a|e
| « p 236 | p 238 » |