LlB Llsgr. Cotton Titus D IX – tudalen 42r
Llyfr Blegywryd
42r
pob vn a|geiff y rann datanud. Pỽy|bynnac
a|gymero tir y|tat kynn no|r braỽt hynaf.
y|braỽt hynaf a|e gỽrthlad ef o|gỽbyl. ac
ynteu a|geiff y|datanud o|gỽbyl. ac o|r|byd
marỽ yr hynaf y|myỽn y|datanud dirrann.
y|vab a|geiff elchỽyl datanud o|gỽbyl yn er+
byn paỽb. TRi ryỽ vreint yssyd; breint
annyanaỽl. a|breint sỽyd. a|breint tir.
TRi phriodolder yssyd; Ryỽ. a|breint. ac etiu+
edyaeth. Etiuedyaeth hagen herỽyd bre ̷+
int. breint herỽyd ryỽ. Ryỽ herỽyd y|g+
ỽahan a|uyd yrỽg dynyon herỽyd kyfreith
megys y gỽahan brenhin y|gan vchelỽr.
gỽr. a gỽreic. hynaf. a|ieuhaf. breyr. a|bilan.
T Ri ryw vraỽdỽyr yssyd yg|kymry
herỽyd kyureith hyỽel da. braỽ+
dỽr llys pennadur herỽyd sỽyd
ygyt a|brenhin deneuur. ac ab+
erffraỽ yn wastat. ac vn braỽdỽr kymỽt.
neu gantref herỽyd sỽyd ym|pob llys o da+
dleueu gỽyned. a|phỽys. braỽdỽr
o|vreint y tir ym|pob llys. kymỽt. neu gan+
tref o deheubarth. nyt amgen. pob perchen+
naỽc tir. Pob braỽdỽr sỽydaỽc a|geiff
pedeir keinnaỽc kyureith dros bop braỽt
a talho kymeint a hynny y|gan y|neb y|bar+
[ nho
| « p 41v | p 42v » |