LlGC Llsgr. 3035 (Mostyn 116) – tudalen 21r
Ystoria Dared
21r
macus mab priaf gỽas Jeuanc deỽr a|chywaethyl
ac antenor ac a|r neb a oed yn kytsynyeit ac ef
a|chablu y|geireu a|wnaeth ac anoc mynet a|e ỻu
y|maes a dỽyn kyrch vdunt yn|y ỻuesteu yny vei
y|neiỻ beth ae ỽynteu a orffei ar wyr goroec ae
ỽynteu a oruydit yn ymlad dros eu gỽlat ac
wedy dodi o amphimacus deruyn ar y|ymadraỽd
Eneas a gyuodes ac o ymadrodyon tec araff a
ỽrthỽynebỽys parabyl amphimacus ac a ano+
ges deissyuyt dagneued y gan wyr goroec yn graff
a|pholidamas a annoges y kyfryỽ ac wedy daruot
vdunt ỽynteu dywedut y hymadraỽd priaf a
gyuodes yn vaỽrurydus y vynyd ac a dyborthes
ỻawer o drygeu yn erbyn antenor ac eneas. ac
a|dywaỽt y bot hỽẏ yn dywyssogyon y geissaỽ ym+
lad ac y beri anuon kenadeu y|roec a|phan welas
antenor ac ef yn genat e|hunan na diwadỽys ywarth
draethu yn irỻaỽn ac yn waratwydus o|wyr goroec
ac ar anoc o·honaỽ ynteu yr ymlad ac odyna y|dy+
waỽt vot eneas gyt ac alaxander yn dỽyn elen
ar anreith o roec ac ỽrth hynẏ yn diamrysson nat
ahei ef yr hedychu. a|phriaf a orchymynỽys y|baỽp
bot yn baraỽt dan arỽyd val y agorit y|pyrth y
dỽyn kyrch. ac a dywaỽt bot yn|diheu vdunt ae
agheu ae goruot. ac yna gỽedy dywedut ohonaỽ
y geireu hyn yma a|e hanoc ef a edewis y kygor
ac a|duc amphimacus gyt ac ef y|r neuad. a|phriaf
a|dywaỽt ỽrth amphimmacus y vab vot o·vyn
arnaỽ ef y gỽyr a annogassei yr hedỽch rac brat+
hau ohonunt ỽy y|kasteỻ a|e bot hỽy ỻawer o
| « p 20v | p 21v » |