LlGC Llsgr. 3035 (Mostyn 116) – tudalen 2v
Ystoria Dared
2v
dẏaỻ o ernỽlf ewyỻus paỽb am y|neges ef paratoi a wnaeth
ef deudec ỻog a|dewis marchogyon yndunt a gỽedy
dyuot yr amser y|uynet ỻythyreu a anuones at paỽb
o|e getymdeithon y rei a edeỽssynt dyuot ygyt ac ef
a|dyuot a|wnaethant hỽy y·gyt. ac odyna kerdet
drỽy y|mor seguin parth a|throea ac hyt y|nos y|deuth+
ant hỽy y|r tir ac odyna y dugassant erkỽlf a thela+
on a pheleus eu ỻu aỻan o|e ỻogeu. ac a adaỽssant
gastor a|pholux a nestor y|myỽn y|ỻogeu a hynnẏ o
A c odyna y datkanỽyt [ [ [ ystryỽ a|chaỻter
hẏnẏ y|laomedon vrenhin troea ry|dyuot ỻyges
o roec drỽy vor seguin y wlat ef. sef a|wnaeth
ef ac amylder o varchogẏon y·gyt ac ef dyuot y|r ỻe
yd y·toedynt hỽẏ a dechreu ẏmlad ac ỽy. erkỽlf ynteu
a athoed y|r kasteỻ a|elwit ilium a rei yn·vydyon a|we+
las ef yno heb vedru ymoglut. a dechreu y|ỻad ac yna
o|pob tu y datkanỽyt y laomedon ry ostỽg o|e elynyon
ef gasteỻ ilium y·dan y gỽed hỽẏ a thra|e gefẏn yd
ymhoeles ynteu tu ac yno. ac y deuth y|groecwyr yn|y
erbyn ac y|ỻadaỽd erkỽlf ef. Talamon ynteu yn gyn+
taf a aeth y|r casteỻ hỽnỽ y|myỽn yr hỽn o achaỽs
y deỽred ef y rodes y erkỽlf esoniam verch laomedon
vrenhin y|rei ereiỻ oỻ ynteu a oedynt veibon y|lao+
medon a|las. Nyt amgen nophilus a|noclius ac
ampiter priaf vab laomedon a yttoed yn troea yn
ỻe araỻ y|gossodyssei y dat ef drostaỽ. erkỽlf ynteu
a dathoedynt y·gyt ac ef a gymerassant anreith
vaỽr ac a|e dugant y|eu ỻogeu ac odyna adref yd
ymchoelassant hỽy. A|thelamon ynteu a duc eso ̷+
niam gyt ac ef ac yna pan datkanỽyt y briaf
| « p 2r | p 3r » |