LlGC Llsgr. Peniarth 12 rhan ii – tudalen 43v
Ystoria Lucidar
43v
a|dielir. ae yma ae rac ỻaỽ yn|ỻe araỻ. megys y dywedir. Ny byd
dim didial o|r drỽc geyr bronn duỽ. ỽrth hynny gỽnaet dyn vn
o deu. ae boeni e|hun yma gan y benydyaỽ. ae godef ynteu gan
duỽ barnu arnaỽ gan y boeni. discipulus Paham y kannataaỽd duỽ
aberth gyfreithaỽl. ˄y r Jdewon Magister Pryt nat ymwrentynt o|e pechodeu rac
aberthu ohonunt y|r|geudwyỽeu. a|r defaỽt honno a dysgas+
synt ỽy yn|yr eifft. pan yttoedynt yno y|duc yr arglỽyd duỽ ỽ+
ynt drỽy y diffeith yn hir o amser. ac achaỽs araỻ heuyt vu.
Pobyl yr idewon oed gysgaỽt ac eilun pobyl gristonogaỽl. ac
ueỻy y rac·vlaenaỽl gysgaỽt y gỽir aberth yn|yr oen pasc.
neu yn|y ỻo coch. neu yn|y boỽch. Pan doeth crist hagen y
gỽr yssyd wirioned y rodi y vendith a|e dedyf. y teruynaỽd ef
ar y kysgaỽt hỽnnỽ. ac a ymrodes e|hun yn aberth gỽahan+
redaỽl. y dwyn pechodeu. discipulus Pryt nat anrydedei y gỽyr gynt
onyt yr vn duỽ yn|y dechreu. paham y dechreuassant ỽy diw+
yỻ y geudwyweu. Magister Ef a|dywedir mae y|mabel tỽr y keỽri
y dechrewyt hynny gyntaf. ef a|dywedir bot yn|y uchder pede ̷+
ir miỻtir ar|hugeint. ac yno y bu y brenhin kyntaf o|r byt
hỽnn. vonedbroth oed y enỽ. a|hỽnnỽ a|wnaeth delỽ belo y dat
a|chymeỻ paỽb o|r|a|oedynt darestyngedigyon idaỽ ef y adoli
y|r|delỽ. ac ereiỻ o ymgyffelybu ac ynteu a|wnaethant geu·dwy+
weu y|r brenhine* a|vei gereint udunt. a|chymeỻ y bobyl o|e
hadoli. megys y gỽnaeth gỽyr creta y iubiter. a|gỽyr athenas
y cẏcropus. a|r latinyeit y Janus. a gỽyr ruuein y romulus.
Ovyn gyntaf a|beris y geudwyweu yn|y byt med horas. a
chythreulyeit a|eynt yn|y delweu hynny. ac a|dwyỻynt y bobyl
gan rodi attebyon udunt. a|gỽattwar amdanadunt. discipulus|Pa|le
| « p 43r | p 44r » |