LlGC Llsgr. Peniarth 15 – tudalen 4

ny ry gladyssit dẏn eirẏoet yndi a|chwedẏ y|darfy ywch gladv Meir arhowch

yno hẏny delwẏf|i attawch ym·pen y|trẏdydyd A|chwedẏ dywedvt hẏnnẏ o|r

arglwẏd ydd|aeth ẏmeith ac eneit ẏ vam a|e gyssegredigẏon engylẏon y nef a|r

engẏlẏon a aethant drwẏ lewenẏd mawr gan gannv moleant y|r arglwyd

Sef a orvc ẏ|teir gwerẏddon a oedynt yno kymrẏt ẏ korff a|e olchi o|devawt y|rei

a|elynt y|anghev A|phan dechrevasant y|noethi ẏ tywynnawth o|divawr* eglvrder

val na ellit edrych arnaw Kẏ hawsset oed gwassanaethv. ẏ chorf santeid|hi

a|r dim hawssaf gan ẏ|gannheitet A|chẏn·nẏ olchit ef glan eglvr oed o|bob kẏ+

frẏw vod A|chwedẏ gwisgẏaw ẏ|hamdo yndanei* ẏn deissẏveit ẏ|diflannawd ẏ

dirvawr eglvrder a|rẏ|vvassei ẏghẏlch ẏ korf kẏno hẏnnẏ A|megẏs blodev y|lili

oed liw ẏ hwẏneb Ac aroglev hẏnaws anrẏdeddvs a oed gan ẏ korf Odẏna

pan ddoeth ẏr ebẏstẏl ẏ dodassant ẏ korf anrededdvs ar yr o elor Ac amovyn

a|wnaeth pawb onadvnt a|e gilẏd pwẏ a arweddei ẏ palẏm o|vlaen yr elor|heb

yr Jevan ebostol wrth beder ti a|e harwed kanẏs ẏ|ti ẏ|gweda arwein y palym

a bot ẏn|ẏ blaen vellẏ ẏ|gobrẏneist o vẏfyr lwyr fẏd ẏn racvlaenv y|th ebosto+

lawl wassanaeth Peder a|atebawd val hẏn ti·di Jevan ẏsẏd etholedic. o+

honam yn wyrẏ ẏ gan ẏr arglwyd a|r veint rat honno a|obrẏneist dithev.

ac am hẏnnẏ ẏ penelinawd ef arnat tra ẏttoed ar|y|vwẏt A|thra ẏttoed

ar y groc yr yn iechẏt ni hon a orchmynawd ef ẏ|ti o|e briawt enew ef ti

a ddylyy arwein ẏ palẏm golevat hwnnw ac arwẏlẏannev gleindit Ti|a

leweist o|wirawt levver ac o|ffynnyawn eglvrder tragẏwẏd A|minev a|arwe+

daf yr elor a|r korf kyssegredic arnei ac an brodẏr ẏ|lleill an kyt·ebystyl ẏngẏ+

lch ẏr elor bint ẏn kanv molyant ẏ|dvw A|minev heb ẏ pawl jevaf wyf

ohonawch a arwedaf yr elor ẏgẏt a|thi A|chwedẏ dvvnaw pawb ar hẏnnẏ

peder a gymerth yr elor ẏn|ẏ blaen a|dechrev kanv a|dywedvt kẏwẏdolaethev

tec ar volẏant y|r mab a|r tat a|r ẏsprẏt glan pawl a|gymerth yr elor yn ol

peder a|r ebẏstẏl ereill yn kanv ẏ·gẏt a|r elor Ac ar hẏnnẏ nachaf o|wyrth

neỽẏd koron o|wẏbren amlwc vaỽr odyỽch pen yr elor megys y|gnotaei

yngẏlch ẏ|llevat ẏn ẏmddangos A|llv o|engylẏon ynghẏch* y|goron yn

kanv kannevev tec ac a|r ẏbẏstẏl yn kanv a|r engylẏon yn kanv ẏgyt ac

wẏnt ac yn cwplav arwylyant mam yr arglwẏd hyny oed gẏflawn ẏ|dday+

ar o|digrifwch y|kanyadev a genẏnt A|phan giglev Dẏwyssawc yr offeir+

eit  ẏ|gerth honno yd aeth allan o|r dinas a llawer o|bobyl gyt ac ef a dywedvt

a|orvgant pa|rẏw gẏwyddolyaeth a|glẏwir mor anrẏved a hẏn Ac ẏna ẏ

dywat vn yr awr hon yd aeth eneit Mier* o|e chorf a|disgyblon iessv ẏssyd yn

kanv molyannev ẏn|y|chẏlch a|phan welas tywyssawc yr offeireit y|go*

gwely coronawc hwn a|r disgyblon ẏn kanv ẏna a|dirvawr lewenyd a

chywydolyaeth gantvnt yna ymlenwi a|orvc ef o|lit a|chyndareth a|dywedvt Val hyn llyma