LlGC Llsgr. Peniarth 15 – tudalen 95

yssyd am yr yspryt glan ny madevir nac yma nac rac llaw. Magister. Annobeith

mywn penẏt kannẏs yn|yr ysprẏt glan y|rodir madevant o|r pechdev* ac

wrth hẏnnẏ pwẏ|bẏnnac a|annobeithẏo o|rat yr yspryt glan A ny|phenẏttẏo

hwnnw ẏssẏd yn gwatwar am|yr yspryt glan A|llyna y|pechawt nẏ madevir

.Discipulus. Ae argwed* y rei da y|llad. nev y|marw o|aghev deissẏvẏt. Magister. Nac ef

dim kanny bẏd marw o anghev deissyvyt y|neb a|vedylyho yn wastat am|ẏ

varw wrth hẏnnẏ nac yr merthẏrv a|heẏyrnn nac yr dryllẏaw o|vwyst+

vileit ac o|e losgẏi* o|flammev tan nac o|e soddi o|donnev nac o|e marw o|dryc+

dẏghetven arall mawrweirthawc vyd geir·bron dvw vyd anghev y|seint

ef megys ẏ|dẏwedir O|ba anghev bẏnnac y|bo marw gwiryonn nẏ dy+

gir y|wironed y|ganntaw a|rẏw anghev honno ny wna drwc namyn da

kannẏs beth bynnac a|berhawd* ef drwẏ chwerwed yn anghev. Discipulus Ae lles

y|rei drwc orwed yn hir ẏn|ẏ gwelev* kynn ev marw. Magister. Na les kanys

o|ba anghev bynnat* y boent veirw yn deissyvẏt yn drwc y|tervynir kan+

nẏ medylyant y marw ac wrth hẏnnẏ gwaethaf anghev yw vn pec+

hadvr Discipulus Ae drwc y rei gwiryon na|chaffont ev cladv ẏn|ẏ kyssegẏr. Magister.

Nac ef Yr holl vẏt ẏssẏd demẏl y|dvw kannẏs kyssegrwẏt o|waet krist

wrth hynnẏ beth|bynnac a|wnneler na cladv maes nac yg|kot* nac y|gw+

ernn nac yn lle arall y byryer wynt na|e hyssv o|vwystvileit nac o|bryv+

et wynt a|achlessir yn arffet yr eglwys yn wastat yr hon ẏssẏd dros

wyneb yr holl vẏt Discipulus Ae da vdvnt wyntev ev cladv mywn kyssegẏr

.Magister. llawer lle a|gyssegrir o|r rei gwiryon a|glader yndvnt Discipulus Ae

lles y|rei a|vo yn|y poennev amserawl ev cladv yn|y kyssegẏr. Magister. wrth

wediaw drostvnt o|eglwẏs dvw Ac y|dẏvot y kereint a|e kedemeithonn

y|wediaw drostvnt. Ac vch y|penn ẏn|ẏr eglwẏssev Ac ẏn|ẏ mynnwennoed

.Discipulus. Ae da y|rei drwc ev cladv yg|kyssegẏr. Magister. Ys myw* drwc vdvnt y|gwasgv

drwẏ gladedigaeth a|rei y|gwehenir wynt ympell y|wrthvnt drwẏ y|haedv

ohonvnt Ac ef a|darlleir Ry|gladv o|r kythrevleit lawer o|r kyfvrẏw Ac ev bw+

rw o|r kyssegẏr ym|pell wẏnt Discipulus Pell y|th wnel dvw orevaf athro y wrth

drwc a|christ a|th|wnnel yn getymdeith o|e egylyon ef ẏn|ẏ nef  

K annẏs torret anneirẏfedigẏon bennev y|sarff ac ẏ|mae ereill wedẏ. y.

ry dadeni yn|y lle Ac a|geimat olevni yr eglwys kymer gledyf dẏ|vonn+

hedic davawt a|thrycha koet y|gofvẏnnev yd|wẏf|i yn kyfveilormi* yndvnt

megẏs y|gallwẏf dyvot y|r rwydvaes ẏ|gwẏbodev drwydot ti Dywet ẏm

pa delw y gwnneir ygkylch y|rei a|vo marw. Magister. Megys y daw gwr pwys

ac anneiryf lvossogwẏd* varchogẏon gantaw yn erbẏnn y wreic pwys

a|e dwẏn gantaw gann ganvev a|llewenẏd velle wrth diwed gwirẏon

y daw yr angel keittwat a llawer o|engylẏon ygẏt ac ef ẏ dwyn eneit