LlGC Llsgr. Peniarth 45 – tudalen 140
Brut y Brenhinoedd
140
geissaỽ mab kyfryỽ a hỽnnỽ. Ac gỽedy dyf+
ot deu o|r kennnadeu hyt y dinas a|elwit we+
dy hynny caer uyrdin. Nachaf y gwelynt
bỽrn o weisson ieueinc yn gware yn drỽs
porth y dinas. Ac edrych a|wnaeth y kennadeu
ar y gware. Ac eisted yn lludedic diffygyaỽl. ~
Ac gỽedy bot y gweisson yn gware yn hir. dar+
uot y rỽng deu o·nadunt. Ar neill a|elwit myr+
din. Ar llall oed dunaỽt. Ac yna y dywaỽt du+
naỽt ỽrth uyrdin; Pa achos heb ef ỽrth uyr+
din yd amryssony di a|miui Canys dyn tynghet+
uenaỽl ỽyt ti heb dat idaỽ. A minheu a|henỽ+
yf o urenhinaỽl lin o pleit mam a|that. A phan
gigleu y kennadeu hynny. Edrych a wnaeth+
ant ar uyrdin a gouyn yr dynyon yn|y kylch
pỽy oed y gwas. Ac wynteu a|dywedassant
na ỽydynt pỽy oed y dat. y uam ynteu yssyd
uerch y urenhin dyuet. Ac yn|y tref y mae yn
uanaches ym plith y manachesseu yn eglỽys
pedyr yn|y tref yma. AC yn|y lle kychwyn
a|wnaeth y kennadeu ar cỽnstabyl y dinas. ~
Ac erchi idaỽ o pleit y brenhin anuon myrdin
a|e uam at y brenhin y wneuthur y ewyllus ym+
danut. Ac gỽedy eu dyuot ger bronn y bren+
hin. y haruoll yn anrydedus a wnaeth y brenin.
y uam uyrdin Can hanoed o lin brenhined. ~
Ac gỽedy y haruoll yn anrydedus Gouyn idi a|wna+
| « p 139 | p 141 » |