LlGC Llsgr. Peniarth 9 – tudalen 53v
Ystoria Carolo Magno: Can Rolant
53v
heb ef reit yỽ yt yr aỽr hon a|thi a|th niuer mar+
chogayth yn erbyn y ffreinc a|th holl lu yn|dian+
not. canys o gellir goruot arnadunt yr aỽr
hon y may haỽssaf. briwedic yỽ eu taryaneu.
a briwedic eu cledyfeu ac eu gỽaywar a llawer
o varchogyon deỽr o·nadunt ry dygỽydasant
yn yr ymlad a blin ynt hỽynteu o lauur yn an
llad ninheu. A|llawer gỽedy eu gỽanhau ac eu
diffrỽythaỽ yn vaỽr oc eu gỽelieu a cholli
eu gỽayt. Ac ỽrth hyny yn diannot y may
dechreu brỽydyr ac ỽynt tra vo haỽssaf gor+
uot arnadunt. yn diannot y may dial ar rei
syberỽ ageu a gỽayt an gỽyr ninheu. A gỽedy
ymadrodyon y gennat yn diannot. y pagan+
nyeit a wisgassant eu harueu ac a ymlun+
eithassant yn vydinoyd. A marsli ac eu ty+
wyssỽys ar hyt glyn coydaỽc. val y
gellynt yn dirybudyach dyuot am ben y ffre+
inc. A phan yttoydynt yn gyuagos yr ffre+
inc y|dywaỽt marsli ỽrth y niuer val hyn. Ro+
lont heb ef yssyd cadarnhaf gỽr a|goreu gỽr y
gedymdeithyon. a chanythyccya brỽydraỽ o|r
neilltu udunt reit yỽ lunyeithu brỽydyr o pob
parth udunt y eu gorchyuygu. My·ui heb ef a
drigyaf y dan y bryn hỽn a deg mydin genym.
Ac ayt grandon gỽr deỽr yỽ hỽnnỽ a deg mydin
ereill gantaỽ y ym·erbyn ar ffreinc. Ac y ykyg*+
hor y brenhin y kytsynyỽys paỽb. Ac yna y
gelwit grandon ar y brenhin y rodi idaỽ arglỽyd+
| « p 53r | p 54r » |