LlGC Llsgr. 3035 (Mostyn 116) – tudalen 110r
Brut y Brenhinoedd
110r
pob blỽydyn. Ac odyna gỽedy ỻithraỽ y gayaf hỽnỽ
heibaỽ. Arthur a ymchoelaỽd drachefyn y ynys. prydein. y at+
newydu ansaỽd y| teyrnas A chadarnhau tagnefed yndi
Ac yno y| bu deudec mlyned ar vntu.
A c yna gỽahaỽd attaỽ marchogyon deỽr clouaỽr* o
araỻwladoed a| pheỻ| teyrnassoed ac amlau y teulu
megys yd oed kyghoruynt gan teyrnassoed peỻ
y| ỽrthaỽ meint clot y lys. a| rootdres y teulu a| e moly+
ant. A| cheissaỽ a| wnaei baỽb kyffelybu a disgyblu y ỽrth
lys arthur. Ac ỽrth y varchogyon a| e teulu kanyt oed
dim gan vn dylyedaỽc yn| y teyrnassoed peỻ y ỽrthunt
ony eỻynt ym·geffelybu a marchogẏon arthur oc eu.
gỽisgoed Ac oc eu harueu. Ac oc eu marchogyaeth A gỽe+
dy ehedec y glot a| e volẏant a| e haelder dros eithafoed
y byt. ofyn. a gymerassant brenhined tramor teyrnas+
soed racdaỽ rac y| dyfot y| werescyn eu kyfoetheu ac eu
gỽladoed. Ac ỽrth| hyny rac gofeilon a| phrydereu seff
a| wnaei paỽb ohonunt keyryd a| r dinassoed a| r tyreu
a| r kestyỻ Ac adeilat ereiỻ o newyd yn ỻeoed cryno.
Sef achaỽs oed hẏnẏ o delhei arthur am eu pen megys
y| keffynt ỻeoed kadarn yn amdiffyn vdunt o| r bei reitt.
A| gỽedy gỽybot o arthur bot y| ofyn veỻy ar baỽb. ymar+
drychafel a oruc ynteu a medylyaỽ gỽerescyn yr hoỻ
europpo. Sef oed hyny. trayan y byt. Ac odyna paratoi
ỻyges a| oruc Ac yn gyntaf kyrchu ỻychlyn a| oruc. hyt
pan vei leu vab kynvarch y|daỽ gan y| chwaer a| wnelhei
yn vrenhin yno. kanys nei ab whaer oed leu vab kynuarch
y vrenhin ỻychlyn a vuassei varỽ yna Ac ef a gym+
ynassei y vrenhinyaeth y leu y| nei. Ac ny buassei tei+
lỽg gan y ỻychlynwyr hyny. Namyn gỽneuthur
| « p 109v | p 110v » |