LlGC Llsgr. 3035 (Mostyn 116) – tudalen 20r
Ystoria Dared
20r
y|wreic a|e kymerassant hi megẏs merch vdunt a|e
didanu a|wnaethant yn garedic. ac nyt adaỽhei hi
droea o|e bod ac ny damunei vynet at wyr goroec
a|thradỽy agamemnon a|dechreuis ẏstẏrẏaỽ dỽyn ỻu
hyt y pyrth a galỽ gỽyr troea y|r ymlad. a|phriaf a
erchis y|wyrr gadarnhau y|muroed yn|y kylch a|thewi
hyt pan delei y|wreic a elwit pantissilia a galỽ y|gỽyr
yn borth vdunt. a elwit amazones a|phentissilia a|e ỻu
maỽr genti yn erbyn agamemnon ac ymlad maỽr
a vu niuer o|diwarnodeu a hir vu y vrỽẏdẏr a gỽyr
goroec a|foassant eu ỻuesteu. ac yna y|kywarsagỽẏt
hỽy yn vaỽr ac o vreid y|seuis diomedes yn ymlad
yn erbyn pentisilaa a|phei na bei hẏnẏ hi a yrrei y
logeu drỽy roec ac a|e llosgassei ac a|e distryỽassei
yr hoỻ lu pei na delei y|nos yn borth vdunt ac y·veỻy
yd eteỻis hi hỽẏ yn|y ỻuesteu. Pentissilea a ymdan+
gosses peunyd yn|y vrỽydyr ac a|ladaỽd gỽyr groec
ac a|e gelwis y|r ymlad. agamemnon o gygor gỽyr
goroec a gadarnhaỽys y|ỻuesteu ac a|e hamdiffyn+
nỽys ac nyt aeth ef y vn vrỽydyr yny|deuth me+
nelaus. a|phir vab achil y·gyt ac ef a gỽedy dyuot
menelaus at wyr goroec ef a|rodes hoỻ arueu
achil y pẏr y vab ac o·dyna pirr a doeth y edrych
bed y dat a diruaỽr gỽynuan gantaỽ. ac yna
pentissilea val y gnotayssei a dysgỽys y ỻu ac a
deuth hyt yn ỻuesteu gỽyr groec ac yn|y herbyn
hitheu a·gamemnon a deuth a|e ỻu ac val yr
ymgyuaruuant pirr vab achil tywysaỽc y gỽyr
a|elwit mirmidones a|wnaethant aerua vaỽr
ar wyr troea. ac val y gỽelas hyn|y ymlad yn
| « p 19v | p 20v » |