LlGC Llsgr. Peniarth 15 – tudalen 25

G *wr bonhedic A oed gynt ym|powẏs ẏn|ẏ lle a|elwir banhenic geir·llaw avon

a|elwit ẏn|ẏr amser hwnnw Sabrina Yn|yr amser hwn ẏ gelwir ytthev*

hafren ac enw ẏ gwr bonhedic hwnnw oed bvgi a|e wreic a|elwit peren verch law+

ddev. Dẏnẏon gwiryon oedẏnt a|da oed ev bvched a|gorchymynev dvw a|wneynt

o|bop fford o|r y|gellynt heb ennwired o|r bẏt a|ellit y dodi ẏn|y herbyn ac nyt oed vdvnt

etived o vab a|dẏnyon oedawc oedẏnt val na bydei blant vdvnt vyth kanẏs y|ran.

vwẏhaf oc ev hamser a|drevlẏssent a|chyt·gyscu yd oedẏnt yr ẏs devdeg mlẏned heb

achos knawdawl yrygtvnt a|hẏnnẏ o|e dv·hvndeb ell|dev a|dẏdgweth* val yr oedẏẏnt*

yn ymdidan wynt a|welynt angel yn dyvot attvnt a|e wisc ẏn gynn wynnet a|r

eirya* ac yn|dẏwedvt wrthvnt bydwch lawen a|hẏvrẏt kanys gwerendewẏs dvw

ych gwedi ac ẏna ẏ|dẏwat yr angel wrth y|gwr bit heno heb ef getẏmeithas knaw+

dawl yrot|i a|th wreic a|hi a|geiff veichogi ac o|r beichogi hwnnw ef a|enir mab idi

a hwnnw a|vyd anrydedvs herwẏd dvw a|dẏn Ac val ẏ|gorchymẏnnawd yr angel

vdvnt wynt a|e gwnnaethant A|beichogi a|gavas beren y|nos honno ac o|r beichogi

hwnnw ef a|anet mab idi Ac ar y|mab hwnnw y|dodet yn enw bevno a|meithrin

y|mab a|wnaethant ẏnẏ vv amser y|rodi wrth leen Ac yna yr anvonet ef hẏt

ar sant a|oed yng|kaerwent enw y|sant oed tangvsivs a|e rieni a|e rodassant a hyny

drwẏ oddvvnet a|chẏt a|r sant hwnnw y|bv ef drwẏ gannhorthwẏ dvw yn discu*

ẏnẏ wẏbv yr holl ẏscrythvr lan Odyna ẏ|dysgawd ef wassannaeth a|rywlev* ẏr

eglwẏs Ac y kymerth vrdev ac ẏ|bv offeirat Ac yna yd argannvv ẏnẏr gwent ef

brenhin oed hwnnw ẏn|ẏ vann honno yn vfẏd Ac yn diweir Ac ynn|hael.

Ac yn gwnnevthvr gorchẏmẏnnev ym·pob peth a|e erbẏnnyeit yn anrydedvs

a|orvc ac yn garedic a|rodi idaw modrwẏ evr a|choron Ac ẏmrodi e hvn yn discy+

byl. ac yn vynach y|vevno sant a|rodi idaw teir ranndir yn evas a|r bopẏl oll a|oed

ar yr ranndirev hẏnnẏ a|e holl da bẏt ac yn yr amser hwnnw ẏ|clevychawd tat

bevno o|heint annobeith Ac anvon kennat at vevno y|vab a|orvc ac erchi idaw dẏ+

vot wrth y|wenndit A|e diwed ac ẏna ẏ|dẏwat bevno wrth y|getẏmeithon

a|e disgyblon arhoet tri heb ef ẏma ohonawch ẏn|ẏ dinas hwn a|mynhev a

aff* y|edrẏch vynn tat ẏsẏd yn wann glaf. ac velle y|gwnaetheant hwy a

bevno sant A|e gorchymẏnnawd wẏnt y|r brẏnhin* ac y|wyrda y|wlat Ac yntev

a|aeth racdaw hẏt y|lle yd oed y|dat yn|glaf a|e tat gwedẏ caffel kymyn a chyffes

a|dywed* perffeith a|vu varw Gwedẏ hẏnnẏ bevno a|drigẏawd ar dref y dat ac a

adeilawd eglwys yno ac A|e kyssegrawd yn enw ẏr arglwyd grist ac

a|blannawd Messen yn|ystlẏs bed y dat a honno a|dẏfawd yno yn derwen dirva+

wr y hvchet a|e ffraffet Ac ar|vric y|prenn hwnnw ef a|wrthtẏfawd keing

hẏt y llawr ac o|r llawr dracheven yn thogyvvch a|bric y|prem* A|thrigyaw

elin y|r geing ar y llawr Ac velle y|maac* yn|wastat Ac od|a seif yrwng

yr elin honno a|bon y|prenn yn|diannot y|byd marw Ac os kymro a a yno