LlGC Llsgr. Peniarth 15 – tudalen 68

o*|bwyttaei* ohonaw ny bedei sychet arnaw O|arall nẏ vlinhaei vyth o|arall

ny henhaei vyth Ac ẏn|ẏ diwed yr hwn a|vwyttaeẏ o|bren y|vvched nẏ|s*

chlevẏchei vyth Ac ny bydheẏ varw vyth Pa|le y|krewẏt gwreic

Ym|paradwẏs o|ystlys gwr Ac ef yn kyscv Paham o|r gwr Megẏs y|by+

dẏnt vn gnawt Ac vn vedwl drwẏ karyat Pa|ryw gyscv oed hwnnw

llewẏc ysprydawl kanẏs dvw a|e dvc o baradwẏs nefawl ẏn|ẏ lle ẏ|dan+

gosset idaw y|genit krist a|r eglwẏs o·honaw Ac ẏn|ẏ lle pan deffroes

ẏ|proffwydawd ef ohonvnt wẏ Paham na|chreawd dvw yr holl etholedigyon

ẏgẏt megẏs y|krewẏt yr engẏlẏon oll Dvw a|vynnawd bot dẏn ẏn kẏffe+

lyb idaw e|hvn a hẏnnẏ yr geni yr holl dynedon y|gan adaf megẏs y|ganet

pob peth y|gann dvw Paham y|kreawd dvw wẏntev megys ẏ gellẏnt

bechv Yr bot yn voe y|gobrwyev kanys dvw a|rodes rydit vdvnt y|dethol

y|da a|thal mawr o|wrthot y|drwc Pa|dew* yd hilẏẏnt wẏ pei trigyssant

ẏm|paradwẏs megẏs y|gwesgir y llaw wrth y|llall vellẏ ẏd ymwesgẏnt

wẏ heb chawant* a megys   y|dyrcheif ẏ|llẏgat y edrych velly y|gwnei

yr aelawt sẏnnẏedic hwnnw   y|wassannaeth Pa|wed ẏd esgorei hi heb

vv·dred a heb dolvr A|vẏdei y|mab yn wann a|heb allv dywedvut* megẏs

yr awr·honn Yn|ẏr awr ẏ|genit Ef a|gerdei Ac a|dywedei ac ebrwyd y|de+

ffygẏei Ef a|vwyttaei o|ffrwythev y|gwẏd a|oedẏnt yno Ac ẏn|ẏr amser

gossodedic y|gann dvw ef a|vwyttaei o|bren ẏ|vvched Ac yn|yr anssawd hon+

no y|bedei gwedẏ hẏnnẏ. Pa|hẏt ẏ|dẏlẏẏnt wy vot ym|paradwẏs

ynẏ gyfvlenwit rif yr etholedigyonn a|r engylyon a|ry|dygwydessẏnt Pa|dew* y

gallei paradwẏs gynnal hẏnnẏ oll Megẏs yd aant ymeith y|genedyl yr awr+

honn drwẏ anghev Ac y devant y|rei ereill byw ẏn|ẏ hol velle y|kredit|my+

net ẏ|rẏeni gynt yn anssawd a|vei well a|e hettived wyntev gwedẏ bwẏt+

teynt o|bren y|vvched yngkẏlch degmlwẏd a|devgeint ẏn|ẏ hol wyntev

Ac yn|ẏ diwed y|gwneẏnt bavp yn gyffelyp ẏ|r egẏlẏon A|oedẏnt noe+

thon wynt yna Oedẏnt Ac nyt oed voe ẏ kewilẏd o|e haelodev kvdẏe+

dic noc o|e llygeit Paham y|dẏwedir gwedẏ ẏ|pechawt wẏnt a|wẏelssant

y bot yn noethon yr hynn nẏ welsẏnt kẏn o hẏnnẏ Gwedy y|pechv

onadvnt ẏd ymlosgassant pob vn o chwant y gilẏd Ac yn|yr aelawt

hwnnw y|dechrevawd a|gwedy hẏnnẏ y|terueysc hwnnw a|gerdawd ym+

plith dẏnẏawl etived Paham y|bv ẏn|ẏr aelawt hwnnw mwy noc

ẏn|ẏr rei ereill y|wybot o|r holl etived y bot yn argẏwedvs o|r vn ryw

gared A|welssant wẏ dvw ym|paradwẏs Gwelsant drwẏ ymrithẏ+

aw ohonaw ẏn ffvryf arall megys y gwelas evrean a|loth a|r proff+

wẏdi ereill Paham y|tẏwẏllawd y|kythrevl wẏnt O|achos kennvigen

kanẏs kynnghorvẏnt vv gantav dẏvot dẏn ar yr enrẏded ẏ|dẏgwydawd