LlB Llsgr. Ychwanegol 14,912 – tudalen 68r
Meddyginiaethau
68r
a hanner dydd y ỽermot myỽn dyfỽr|tỽ+
ymyn ac veỻy naỽ dieu ar|untu.
Rac magyl ỻygat berỽ drỽy win gom ̷+
min a sugyn yr rut a sugyn y fynigyl a
selidonia a golch dy lygat a hỽnnỽ.
Rac tyỽyỻỽch ỻegeit kynnul* yr rut a
selidon drỽy y gỽlith a mortera a hiddyl
gyda mel gloyỽ gogymeint o bob vn a|e
gilydd a berỽ yn da yn·y el dan y drayan
a|chadỽ myỽn corn neu ỽydyr ac ir dy
lygeit a hỽnnỽ yn vynych.
Rac gỽlybỽr ỻygeit bỽyta yn vynych
Rac dolur penn kymmysc [ y betani.
yr rut a|r fynigyl a lỽnage a phyper a mel
a gỽna blastyr a|gỽasg drỽy liein ac yf.
Araỻ yw kymer sugyn y ganỽreidd coch
a dot ar dy benn yn vrỽt yn blastyr neu
yf er ỻes y|th benn ac rac y cryt.
| « p 67v | p 68v » |