LlGC Llsgr. 24049 (Boston 5) – tudalen 136
Llyfr Blegywryd
136
nẏ werẏt. Pỽẏ|bẏnnac a|dechreuho
gouẏn tir ẏn vn o|r dẏdẏeu hẏnnẏ;
darparedic vẏd idaỽ caffel barn hẏt
ẏ|llall. Ac onnẏ|s keiff. ẏnn|ẏ dẏd ar+
all reit vẏd idaỽ gẏffroi ẏ dadẏl meg+
ẏs o newẏd. A|thẏwẏl ẏỽ ẏ dadẏl h+
ẏt ẏm·pen ẏ naỽuettẏd. Pỽẏ|bẏn+
nac a dechreuo gouẏn etiued·ẏaeth
trỽẏ ach. naỽuettẏd racuẏr. neu
naỽuettẏd mei; ẏ trẏdẏd naỽuet+
dẏd ẏ|dẏlẏ caffel atteb. Ac ẏnn|ẏ na+
ỽuet·dẏd hỽnnỽ ẏ dẏlẏ caffel barnn.
Ac os ẏn naỽuettẏd mei ẏ dechreu ̷+
ir. a|e ohir am varn hẏt aỽst. Kaedic
vẏd kẏureith ẏnn|ẏ erbẏn hẏt naỽ+
uettẏd racuẏr. Ac vellẏ o|r dechreuir
naỽuettẏd racuẏr. ac na chaffo barn
o vẏỽn ẏ gaẏaf. kaedic vẏd ẏ gỽa+
nhwẏn ẏnn|ẏ erbẏn. NẎt reit
aros naỽuettẏdẏeu am|teruẏnu
tir. namẏn pan vẏnho ẏ brenhin a|e
awẏrda treruẏnadỽẏ vẏd. Ac nẏ|dẏ+
lẏir arhos naỽuettẏd ẏrỽg dẏlẏe+
daỽc ac andẏlẏedaỽc ac* gẏnhalẏo
tir ẏnn|y erbẏn. Teir etiuedẏaeth
| « p 135 | p 137 » |