LlGC Llsgr. 24049 (Boston 5) – tudalen 172
Llyfr Blegywryd
172
ston. Ae o|elẏnẏaeth. ae odineb. Ae o|tir+.
tra megẏs ẏ|dẏỽetpỽẏt vrẏ ẏnn|ẏ llẏf+
ẏr. Amser ẏmỽẏstlaỽ a|braỽt ẏỽ; pan
roder ẏ|vraỽt gẏntaf ẏnn|ẏ dadẏl. nẏt
amgen. kẏn dechreu dadẏl arall. a|e ha+
daỽ hitheu ẏn hedỽch. Pỽẏ|bẏnnac a
ebrẏuycco ẏr amser hỽnnỽ ẏ ẏmỽẏst+
laỽ. na|r braỽdỽr. na|r dadleuỽr. nẏ dich+
aỽn vẏth gỽedẏ hẏnnẏ ẏ|ẏmỽẏstlaỽ
herỽẏd kẏureith. na|r braỽdỽr gẏt
a|e vraỽt. na|r dadleuỽr ẏn erbẏn ẏ vr+
aỽt. Onnẏ bẏd braỽt tremẏc. Pỽẏ
bẏnnac nẏ ỽẏppo aruer kẏureith;
nẏ|dichaỽn arueru o gẏureith. Te+
ir gossodedigaeth ẏssẏd herỽẏd hẏ+
ỽel da. ẏ gỽplaỽ ẏ gyureith. a|e ar+
uer ẏn berffeith. hẏt na aller eu ca+
blu. o eisseu nac o ormoder. neu o beth
anheilỽg. kẏntaf ẏỽ; o|geffelẏbẏon
kẏffelẏb varn a rodir. Eil ẏỽ; o|dỽẏ
gẏureith erbẏn ẏn erbẏn ẏn ẏsgri+
uenedic ẏ|doosbarth ẏn vn peth. ẏr
vn a|uo teilẏgach no|r llall honno a
gẏnhelir. Trẏded ẏỽ; pob rẏỽ gẏfreith.
ẏsgriuene·dic. ar nẏ bo gỽrthỽẏneb
| « p 171 | p 173 » |