LlB Llsgr. Cotton Cleopatra B V rhan ii – tudalen 173v
Llyfr Cyfnerth
173v
A|lader yn|y gegin A|halaen ganthỽn o|r gegin.
Eff* a|geiff hen gyfrwyeu y|brenhin a|hen frwyn+
eu. Rann deu wr a|geiff o|aryant y guastrody+
on. Pengwastrawd ar gwastrodyon a|gaffant
yr|ebolyon gwyllt a|gaffo y|brenhin o|traean
anreith. Pengwastrawd bieỽ estynnỽ y|me+
irch oll a|rodo yr Brenhin. Pedeir keinyawc
a|gymer ynte vn o|bop march eithyr o|r|tri me+
irch hynn. March yr effeiryad teulu. A march
yr ygnad llys a|march y|croessan. Pen gwas+
trawd a|geiff y|gan y|distein lloneid y|llestri
y|gwallouer yndunt yn|y llys. A|lloneid y|lles+
tri y|dyfuo y|brenhin ohonunt o|r med. Ar eil llo+
neid y|gan y|penteulu. Ar trydid y|gan vren+
hines. E|tir a|geiff yn ryd. March bithosseph
y|gan y|brenhin. Dwy ran a|geiff y march o|r
ebran. lle y|pengwastrawd ar guastrodyon
ganthaw yw is y|colofyn nessaf yr brenhin.
Ef bieu rannỽ lletyeỽ y|meirch ac eu hebran
Traean dirwy a chamlwrw y|guastrodyon a
| « p 173r | p 174r » |