Llsgr. Caerdydd 1.362 (Hafod 1) – tudalen 42r
Brut y Brenhinoedd
42r
hellassant y adaỽ aỽch keibeu. A megys deueit ke+
ueilornus heb uugeil arnadunt aỽch gỽascaru.
kany mynyssaỽch kymyscu aỽch dỽylyaỽ ac ar+
ueu nac a dysc ymlad. Ac ỽrth hynny py hyt
y keissỽch i bot rufeinyaỽl arglỽydieaeth* yn vn
gobeith ich. A phy hyt yd ymriredỽch* yn estraỽn
genedyl nyt oed deỽrach no chỽi pei na|r atteỽch y
lesced aỽch goruot. Ednebydỽch heuyt bot gỽyr
rufein yn blinaỽ ragoch. Ac yn ediuar gantunt
y gyniuer perigyl a gymerassant drassaỽch* yn
wastat. Ac weithon y maent yn dewissaỽ madeu
eu teyrnget iỽch ym mlaen diodef y kyfryỽ la+
fur hỽnnỽ bellach. Pei bydeỽchi yn yr amser y bu
y marchogyon ynys prydein; beth a tybygỽchi;
a|e yr hynny y tybygỽchi ffo dynyaỽl annyan y
ỽrthyỽch a geni dynyon ygorthỽyneb anyan.
megys pei genit o|r bilein varchaỽc ac o|r mar+
chaỽc vilein. Ac yr hynny eissoes discynnu dyn
y gan y gilyd. ny thebygaf ui colli o·nadunt ỽy
eu dynyaỽl anyan yr hynny. Ac ỽrth hynny. kans
dynyon yỽch; gwneỽc* megys megys* y dylhy
dynyon. gelỽch ar grist hyt pan vo euo rod+
ho yỽch leỽder a|rydit. A gỽedy teruynu o|r ar*+
chesco yr ymadraỽd yn|y wed hon. Kymeint
uu y kynhỽrỽf yn|y pobyl; a megys y tebygit
yn deissyuit eu bot gỽedy eu kyflenwi o leỽder
AC yn ol y parabyl hỽnnỽ [ o vn vryt.
y rodes y rufeinwyr kadarnon dyscydi+
gyaethyeu ar ymladeu yr pobyl honno. Ac
| « p 41v | p 42v » |