Llsgr. Caerdydd 1.363 (Hafod 2) – tudalen 174r
Brut y Brenhinoedd
174r
Ac en kyflym bodo o|r ryt ychen a kyrchvs
petreyvs a|e kymryt ker y wunygyl a
megys y racỽedylyassey dygwydaỽ y
gyt ac ef yr llawr. Ac wrth henny ymkv+
nvllaỽ a gwneynt y rvueynwyr y keyssy+
aỽ y ellỽng y gan y elynyon. Ac o|r parth ar+
all e kyffredyn e brytanyeyt en porth y bo+
do o|r ryt ychen. Ac ena e clywyt e lleveyn
ar gordery. ena ed oed e dyrvaỽr aerva
o poparth hyt tra ed oedynt e rỽueynwyr
en keyssyaỽ rydhav ev tywyssavc. ar bryt+
anyeyt en|y attal. Ac ena e gellyt atnabot
pwy orev a Gwayw. pwy orev a saytheỽ. pwy
oreỽ a dygoney a chledyf. Ac o|r dywed e bry+
tanyeyt kan tevhaỽ eỽ bydynoed a dvgant
eỽ rvthyr ac ev karcharoryon kanthvnt tr+
wy ỽydynoed er rvueynwyr hyt pan vy+
dant em perỽed kedernyt eỽ hymlad e|hvne+
yn a phetreyvs kanthvnt. Ac en e lle ymc+
hwelỽt ar er rỽueynwyr en ymdyvat oc eỽ lly+
wyaỽdyr. ac o|r rann wuyhaf en wannach.
ac en waskaredyc. ac en dangos ev kefynheỽ
| « p 173v | p 174v » |