Llsgr. Caerdydd 1.363 (Hafod 2) – tudalen 98r
Brut y Brenhinoedd
98r
ylder kywdaỽt en en gwlat ny. ac e devthant
e tewyssogyon y gyt ac e bvryassant koelprenn+
eỽ ac ed etholassant er yeỽenctyt a wely ty rac dy
vron ema. ac ed archassant ynn vfydhaỽ yr kyfre+
yth ac yr deỽaỽt a oed ossodedyc en e wlat hyr e kyn+
hoes ac e gossodassant nynheỽ en dev vroder en tewy+
ssogyon arnadvnt. Ac esef yn gelwyr nynhev horss
yw ỽem mraỽt a heyngyst wyf ynheỽ. ac o lyn e te+
wyssogyon pan henym. Ac wrth henny vfydhaỽ a wna+
etham nynheỽ yr kyfreyeỽ* gossodedyc o|r dechrev ac
yr mor e dodym ac y|th kyvoeth tytheỽ a merch ryvs en
tewyssaỽc ynn. A phan kygleỽ gortheyrn enw y merch
ryvs dyrchavael y wynep a orvc a govyn pa ryw cret o+
ed ganthvnt. Ac ena e dywaỽt heyngyst wrthav enteỽ
En tadolyon dwywev an anrydedvn ny satvrnvs a Jỽ+
pyter ar dwyweỽ ereyll trwy er rey e llywyr y byt. ac
en wuyhaf oll merch ryvs er hỽn a elwyr en en yeyth ny
woden. ac y hỽnnỽ ed aberthassant en ryeny ny y ped+
weryd dyd o|r wythnos yr henny hyt hedyw ac y galwa+
ssant wodens dey. Ac gwedy hỽnnỽ ed anrydedvn ny
e dwywes kyvoethokaf er hon a elwyr foeam. ac y
honno e parthassant e chwchet* dyd er hvn a alwn ny+
nhev o henw hy ffrydey. ac ena e dywaỽt gortheyrn.
Oc ech cret chwy er honn a elwyr en well y dywedwt
| « p 97v | p 98v » |