LlB Llsgr. Harley 4353 – tudalen 17r
Llyfr Cyfnerth
17r
Ac yn gyntaf teir colofyn kyfreith. nyt am ̷+
gen. Naỽ affeith galanas. A naỽ affeith tan.
A naỽ affeith lledrat.
KYntaf o naỽ affeith galanas. yỽ tauaỽt ̷+
rudyaeth nyt amgen menegi y lle y bo y
neb a lather y|r neb a|e llatho. Eil yỽ rodi kyghor
y lad y dyn. Trydyd yỽ kytsynhyaỽ ac ef am y
lad. Petweryd yỽ discỽyl. Pymhet yỽ canhy ̷+
mdeith y llofrud. Whechet yỽ kyrchu y tref.
Seithuet yỽ ardỽyaỽ. ỽythuet yỽ bot yn porth ̷+
ordỽy. Naỽuet yỽ gỽelet y lad gan y odef. Dros
pop vn o|r tri kyntaf; y rodir naỽ vgeint aryant
a| llỽ canhỽr y wadu gỽaet. Dros pop vn o|r tri
ereill; y rodir deu naỽ vgeint aryant a llỽ deu
canhỽr. Dros pop vn o|r tri diwethaf y telir tri
naỽ vgeint aryant a| llỽ trychanhỽr y diwat
gỽaet. U* neb a| watto coet a| maes; rodet lỽ deg
wyr a deu vgeint heb gaeth a heb alltut. A thri
o·honunt yn diofredaỽc o varchogaeth a lliein
a gỽreic. Y neb a adefho llofrudyaeth; talet ef
a|e genedyl sarhaet y| dyn a lather .
a|e alanas. Ac yn gyntaf y tal y llofrud sarhaet
y dyn lladedic y tat a|e vam a|e vrodyr a|e whioryd.
Ac os gỽreigaỽc uyd; y wreic a geiff trayan y sar ̷+
haet y gan y rei hynny. Trayan hagen yr alanas
| « p 16v | p 17v » |