LlB Llsgr. Harley 958 – tudalen 13v
Llyfr Blegywryd
13v
A moch. A mel. Os gỽrthẏt ẏ arglỽẏd
gẏssefin. gỽerthet ẏnteu ẏ|r neb ẏ mẏn+
ho. Teir keluẏdẏt nẏ eiỻ taẏaỽc eu dẏs+
cu ẏ ỽab heb ganhat ẏ arglỽẏth. Yscolheic+
taỽt. A gofanẏaeth. A bardoniaeth. Kanẏs
o diodef ẏr arglỽẏd hẏt pan rother corun
ẏ|r ẏscolheic. neu ẏnẏ el gof ẏn|ẏ eueil
neu uard ỽrth ẏ gerd. nẏ dichaỽn eu kethi+
waỽ gỽedẏ hẏnnẏ. Teir kẏflauan os
gwna dẏn ẏn|ẏ wlat ẏ dẏlẏ ẏ vab coỻi tref
ẏ dat o|e achaỽs o gẏfreith. ỻad ẏ arglỽẏd.
A|ỻad ẏ penkenedẏl. A|ỻad ẏ teispan|·tẏle.
rac trẏmhet ẏ kẏflauaneu hẏnnẏ. Tri
anhepcor brenhin ẏnt. ẏ offeirat ẏ ganu
efferen ac ẏ uendigaỽ ẏ uỽẏt a|e lẏn. A|e
vraỽdỽr llẏs ẏ varnu brodẏeu ac ẏ rodi kẏg+
horeu. A|e teulu ỽrth wneuthur negesseu
ẏ brenhin. Tri anhebcor breẏr ẏ telẏn.
a|e vrẏccan. A|e gaỻaỽr. Tri anhebcor
taẏaỽc. ẏ gafẏn. a|e trotheu a|e talbren.
Tri pheth nẏ chẏfran brenhin a neb; ẏ
eurgraỽn. a|e hebaỽc a|e leidẏr.
T ri phetwar ẏ·ssẏd. kẏntaf ẏnt. Pet+
war achaỽs ẏd ẏmchoelir braỽt. o
ofẏn gwẏr kadarn. A|chas galon. A|cha+
rẏat kẏfeiỻon. A serch da. Eil petwar ẏỽ
| « p 13r | p 14r » |