LlB Llsgr. Harley 958 – tudalen 25v
Llyfr Blegywryd
25v
teu ẏn|ẏ ỻẏs; Ẏ bratwẏr* ac ỽẏnteu oỻ
ẏ·gẏt a talant o werth ẏ tauaỽt ef ẏn gẏf+
redin kẏmeint pob vn a|e gẏlẏd. kanẏs
o gẏffredẏn gẏt·sẏnwẏr a|chẏt·duundeb
ẏ rodassant ẏ vraỽt. Ac ueỻẏ kẏffredin ta+
lu a dẏlẏant ỽẏnteu dros eu braỽt. Ac uellẏ
os braỽdỽr o vreint tir a gẏỻ camlỽrỽ o
achaỽs braỽt a rodher ueỻẏ. pob vn o|e
gẏffelẏp ẏn ẏr vn rẏỽ vraỽt a gẏỻ ẏ gẏ+
meẏnt. Nẏ dẏgỽẏd neb ẏg gwerth ẏ ta+
uaỽt onẏt braỽdỽr e|hunan. neu a ẏm+
ỽẏstlo ac ef. pan rodont eu deu ỽẏstẏl er+
bẏn ẏn erbẏn ẏn ỻaỽ ẏ brenhin am vra+
ỽt. gỽẏstẏl a gỽrthỽẏstẏl. Pan dẏgỽẏd+
ho braỽdỽr sỽẏdaỽc ỻẏs neu gẏmhỽt neu
gantref ẏ gwerth ẏ tauaỽt tri pheth a gẏỻ
ef ẏna. kẏntaf ẏ kẏỻ ẏ swẏd. Eil breint
braỽdỽr o eisseu sỽẏd. Trẏdẏd gỽerth ẏ
tauaỽt. Pỽy bẏnnac a uo braỽt·ỽr vreint
tir. kẏn dẏgỽẏtho ef ẏ gwerth ẏ tauaỽt
trỽẏ ẏ|gamvraỽt nẏ chẏỻ ef vreint braỽ+
dỽr tra vedho ar ẏ tir. o|r hỽn ẏ mae breint
idaỽ ẏ varnu kanẏs ẏm|peth bẏnhac ẏ bo
breint ẏn ẏr vn rẏỽ. hỽnnỽ uẏd priodol+
der diwahan. Megẏs breint anẏanaỽl pri+
odolder corff. Veỻẏ breint tir ẏssẏd priodol+
| « p 25r | p 26r » |