LlB Llsgr. Harley 958 – tudalen 44r
Llyfr Blegywryd
44r
haren teir·blỽẏd bras. A hỽch tri gaẏaf tri+
bẏssic. Y|tref a dẏlẏ dỽẏn ẏ rei hẏn oỻ ẏ|r bren+
hẏn. a chẏnneu tan teir·nos a tri·dieu idaỽ.
Deu daỽnbỽẏt a dẏlẏ ẏ brenhin ẏ gaffel ẏ
gan ẏ vilaeneit pob blỽẏdẏn. Messur hẏn
ẏỽ hỽch tri·vẏssic ẏn|ẏ hẏsgỽẏdeu. ac ẏn|ẏ heis
ac ẏn|ẏ chlunẏeu. A hanherop o gic haỻt. a
thri ugein torth o vara gỽenith. ẏ hwech o·ho+
nunt ẏn peiỻeit. pedeir ẏ|r neuad. A dỽẏ ẏ|r
ẏstauelh o|r tẏf. Ac onẏ thẏf gỽenith ẏno.
bint keirch ẏ bara. A|r hwech ẏn rẏnẏon ẏ|r
neuad a|r ẏstaueỻ. kẏflet pob torth ac o e+
lin hẏt ardỽrn. kẏn|deỽhet ac na plẏccont
pan dalher herwẏd eu hemẏl. neu ẏnteu
gẏn teỽhet a deu vẏs. Ac o vragaỽt kẏmeint
a cherỽẏneit gỽrỽf. Ac ugein ẏscub o geirch vn
rỽẏm. A|cheinhaỽc ẏ|r gwassanaethwẏr veỻẏ
ẏ telir o vilaen·tref ẏn|ẏ gaẏaf. Ac onẏ chef+
fir hỽch. risken emenẏn a telir drostaỽ teir
dẏrnued o|let a their dẏrnued teỽhet heb
voel. chwech daỽnbỽẏt a|cherỽẏneit gỽrỽf
o naỽ rẏwant ar ỽẏr. o galan gaẏaf hẏt ga+
lan mei. Messur daỽnbỽẏt ẏỽ. baccỽn tri+
bẏssic ẏn|ẏ hẏsgỽẏdeu. ac ẏn|ẏ glunẏeu. neu
hỽch teir·blỽẏd vehineit ac nẏt oe* vessur
ar ẏ mehin. Neu lestreit emenyn o teir dẏrn+
| « p 43v | p 44v » |