Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 45v
Ystoria Lucidar
45v
du myỽn kyssegr. llaỽer lle a|gyssegrir o|r|rei
gỽiryonn a|glader yndunt. A|e lles y|rei a|vo
yn|y poenev amseraỽl ev cladu yn|y kyssegyr vrth
wediaỽ drostunt o eglỽys duỽ. Ac y|dyuot y|ke+
reint a|e kedemeithon y wediaỽ drostunt. Ac
vch y penn yn|yr eglỽyssev ac yn|y mynnwen+
noed. A|e da y|rei drỽc ev cladv yg|kyssegyr.
Ys myỽ* drỽc vdunt. y|gỽasgu drỽy gladediga+
eth a rei y|gỽehenir ỽynt ym|pell y vrthunt
drỽy y haedu ohonunt. ac ef a darlleir ry|gla+
du o|r kythreuleit laỽer o|r kyfuryỽ. Ac eu
bỽrỽ o|r kyssegyr ym|pell wynt. Pell y|th wnel
duỽ oreuaf athro y|vrth drỽc. A christ a|th
wnnel yn getymdeith o|e egylyon ef yn|y nef.
KAnnys torret anneiryfedigyon bennev
y|ssarff. Ac y|mae ereill wedy y|ry|dadeni
yn|y lle. A gennat oleuni yr eglỽys. kymer
gledyf dyvonnhedic dauaỽt. A|thrycha koet
y|gofuynnev ydỽyf|i yn kyfueilorni yndunt
megys y gallỽyf dyuot yr rỽyduaes y gỽy+
bodev drỽydot ti. Dywet ym pa delỽ y|gỽnneir
yg|kylch y|rei a|uo marỽ. Megys y|daỽ gỽr pỽys
ac anneiryf luossogrỽyd varchogyonn gan+
taỽ yn erbyn y|wreic pỽys. A|e dỽyn gantaỽ
gann ganuev a|lleỽenyd. velle vrth diỽed gỽi+
| « p 45r | p 46r » |