Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 46v
Ystoria Lucidar
46v
Ac ereill a|uyd myỽn pressỽyluaev ereill tec.
Megys y|dywedir. val y|bo lles ac anryded v+
dunt ỽy. A iechyt y nynhev. Pỽy yssyd gyfy+
aỽn. Y|rei a|gwplaant gorchymynnev duỽ yn
digỽyn pann el eneitev y|rei hynny o|e corffor+
oed wynt a|dygir y baradỽys dayaraỽl. nev
y|ryỽ leỽenyd ysprydaỽl drỽy egylyonn kany
chredir kyfuanhedv o|ysprydoed yn lleod corffor+
aỽl. Ac y|mae y|ryỽ dynyon gỽiryon a|dyỽedir
ev bot yn amperffeith. A|phaỽp onadunt eis+
soes a gaffant duỽ megys dynyon priot ỽy
a|gaffant gỽedy bont veirỽ herỽyd y|gobry+
nont y|lleoed teckaf. a|llaỽer ohonunt kynn
dydbraỽt drỽy wediev seint. ac alussennev y
rei byỽ a gymerir y ogonnyant a|vo mỽy.
A|phaỽp hagen wedy dydbraỽt a|getymdeithoc+
keir yr engylyon. Ac y|mae rei o|r etholedigy+
on hep perffeithyaỽ llaỽer arnunt. a rei hyn+
ny a|oedassant am benydyaỽ y pechodev. a|me+
gys y|rodir mab affureolus* at y|gỽas o|e vaed+
dv. Velle kennhatta engylyon da y|gythreule+
it y|purhav ỽyntev. Ac ny allant ỽy argyỽe+
du vdunt mỽy noc a|haydassant. nev a|gann+
hyatto y seint vdunt. Beth a|dichaỽn y|ryd+
hav hỽy o|purdan. Offerennev. Ac alussennev.
| « p 46r | p 47r » |