Rhydychen, Llsgr. Coleg yr Iesu 57 – tudalen 183
Llyfr Blegywryd
183
pennaf rỽng yr arglỽyd a|e wyr yn erbyn keder+
nit arglỽyd. Y neb a|watto galanas a|e haffeitheu
heb adef dim. ỻỽ dengwyr a|deugeint a|dyry. ac
ueỻy y|dyry o|r gỽedir un ohonunt. Y neb a
watto ymlad ỻe ny lader dyn. herỽyd meint y
sarhaet y dyry y reith O|r gỽneir anaf ar|dyn
trỽy ymlad. o|r gỽedir ỻỽ dengwyr a deugeint
a|rodir. O|r|byd gỽaet neu gleis. gỽaet o benn
hyt gỽỻ. o lỽ tri dyn y gỽedir. O benn hyt wre+
gys. o lỽ chỽech. O benn hyt laỽr o|lỽ naỽ. ac
ueỻy y gỽedir cleis a|drickyo dri naỽ·uettyd.
Y neb a|watto ỻosc neu y haffeitheu. ỻỽ deng+
wyr a deugeint a|dyry. ac o|r ỻosgir dyn yno
tri dyn diofredaỽc a dylyant vot yn|y reith.
O lovrudyaeth a|vo kynỻỽyn neu vudurn*.
megys cudyaỽ kelein. neu lad dyn. heb weli
yn|ỻedrat hyt nos. o|r gỽedir reith deu·dyblyc
a|rodir. O|r|telir ynteu. tal deudyblyc a|delir
y|r brenhin dros dirỽy. ac y|r genedyl dros sar+
haet a|galanas. Y neb a|watto ỻedrat. neu y
| « p 182 | p 184 » |