Rhydychen, Llsgr. Coleg yr Iesu 57 – tudalen 40
Llyfr Blegywryd
40
T ri mach yssyd ny cheiff vn ohonunt dỽyn
y vechni ar y lỽ e|hun kyt gỽatto rann
ac adef rann araỻ o|e vechni. Vn yỽ. dyn a el yn
uach yg|gỽyd ỻys. a mach diebredic. a mach kynno+
gyn. beth bynnac. a|dygho y kyntaf. y ỻys a|dyly
tyngu ygyt ac ef. neu yn|y erbyn. Yr eil yỽ neu
y trydyd. beth|bynnac a|dyngo ar y seithuet o|e
gyfnessafyeit o wyr y tỽng. kanys talaỽdyr o
gyfreith vyd pob un onadunt yn amser kyn+
nocnaeth. a ỻyna y gỽahan yssyd y·rỽng mach
diebredic. a mach kynnogyn. mach diebredic y
geilỽ kyfreith. mach a|baỻo o deithyaỽ y uechnia+
eth ygyt a haỽlỽr gan y rybudyaỽ yn|dydyeu gor+
sed. a mach kynnogyn o gyfreith y gelwir y neb
a|el yn vach dros dyn ny aỻo seuyỻ ỽrth gyfreith
o·blegyt tlodi. ac yn|y|ỻe hỽnnỽ y kymeỻ anaỻu
pleit y mach yn gynnogyn. ~ ~ ~ ~ ~ ~
D Eu ryỽ baỻedigaeth a gyngein ar vach
y seuyỻ ỽrth gyfreith. vn onadunt yỽ.
tlodi eisseu tri thudedyn megys y gaỻei talu y
| « p 39 | p 41 » |