LlGC Llsgr. Llanstephan 27 (Llyfr Coch Talgarth) – tudalen 108r
Efengyl Nicodemus
108r
a|adolynt idaỽ. Ni a|welsam ny hunein heb yr idewon yr ansa+
ỽd yd adolynt yr ystondardeu idaỽ. a|r neb a|e harwedynt he+
uyt. Paham heb·y pilatus y gỽnaethaỽch chỽi hynny. Pa+
ganyeit ym ni heb ỽynt a|gỽassanaethwyr temleu. paham
yd adolem ni idaỽ ef. Yr ystondardeu eissyoes a ni yn eu daly.
ỽynt a|adolassant idaỽ. Ac yna yd erchis pilatus y|r pennadu+
ryeit a|r hynafyeit o|r Jdewon. ethol y rei a vynnynt ac a|dew+
issynt y gynnal yr ystondardeu ual nat adolynt idaỽ. Ac y+
na y dewisswyt deudengỽyr gordethol o|r rei grymussaf o·nad+
unt y gynnal yr arỽydyon ac y sefyỻ rac bronn y raclaỽ. Goỻ+
ỽng iessu aỻan heb·y pilatus ỽrth y negeswas. ac odyna ~
kyrch ef y myỽn o|r ansaỽd y mynnych di. ac aỻan yd aeth
Jessu a|r negesswas. a|galỽ a|oruc pilatus ar yr Jdewon a|oedynt
yn|daly yr|arỽydyon. a thyngu a|oruc y|r gỽr a|attei cesar o|r
plyckei yr arỽydyon idaỽ pan|delei iessu y myỽn y ỻedit eu.
Ac yna yr eilweith yd erchit y iessu dyuot y myỽn. A|r enry+
ded a|wnaethoed y negesswas amdanaỽ kyn·no hynny a|wnaeth
yna. A|e wediaỽ a|oruc ac erchi idaỽ kerdet ar y diỻat ac eu
dodi dan y draet. ac ynteu a|gerdaỽd ar y diỻat ac a|doeth
y myỽn. Ac ual y|doeth y myỽn y gostyngaỽd yr arỽydyon ac
yd|adolassant idaỽ. A phan|weles pilatus hynny ouyn a|gym+
merth a chyuodi o|e eistedua. Ac ual yd oed yn medylyaỽ pa
beth a|wnelei. yd anuones y wreic attaỽ pro·cula oed y henỽ.
y erchi idaỽ nat ymyrrei yn|y gỽirion hỽnnỽ. a|dywedut ry
vot gouit maỽr arnei y nos gynt o|e achaỽs. Heb yr Jdewon
ỽrth bilatus yna. Bit arnam ni y waet ef ac ar yn|hetiuedyon.
Pony dywedassam ni y vot ef yn|gyfarwyd yn ongar. Pony we+
ly
| « p 107v | p 108v » |