LlGC Llsgr. Llanstephan 4 – tudalen 34r
Buchedd Beuno
34r
cledyf arnaỽ a dỽyn ruthyr idaỽ a ỻad
y benn. Sef a|oruc y brenhin yna ỻidy+
aỽ ac erchi daly y gỽr a|ladyssei y gelein
Ac yna y dywaỽt beuno. Na|dodỽch heb
ef ych ỻaỽ ar y gỽr doeth y·gyt a myui.
Yna y tynghaỽd y brenhin trỽy lit y pa+
rei ef diuetha y gỽr yn|diannot o·ny w+
nelei veuno y gỽr a|ladyssit yn vyỽ. Sef
a wnaeth beuno yna yn|diargysswr
gan ymdiret yn|duỽ kyuodi yn vyỽ y
gỽr a ladyssit. Sef a|oruc y brenhin edi+
uarhau ry broui o·honaỽ y sant. a rodi
y veuno yna y plas yn|yr hỽnn y mae
eglỽys veuno. ỻawer o betheu ereiỻ a bei+
dyassam ni ac ỽynt a|wnaeth duỽ yr beu+
no ac a adaỽssam heb eu|dywedut rac
barnu y|ỻyuyr hỽnn yn angkryno. Y+
chydic yỽ hynn o wyrtheu beuno. ac ny
wyr neb dyn a wnaeth duỽ yr beuno o+
nyt duỽ e|hun. a|hyspys yỽ pỽy bynnac
a wnel da duỽ a vyd kanhorthwyỽr idaỽ.
Cỽbyl o orchymynneu duỽ a wnaei veu+
no. Bỽyt a diaỽt a rodei y|r neb a|welei
a newyn a sychet arnaỽ. Diỻat y noeth
ỻetty y beỻennic. Govỽy cleifyon a charch+
aroryon a|wnaei. Pob ryỽ da o|r a|orchym+
| « p 33v | p 34v » |