LlGC Llsgr. Llanstephan 4 – tudalen 46r
Purdan Padrig
46r
thỽyỻ neb o|r a ymdiretto yndi.
P an yttoed y marchaỽc yn eisted
e|hunan yn aros ymlad a|diefyl
ac yn|ofnaỽc. yn|dissymỽth ỻyma y
clywei dỽryf yngkylch y ty megys ky+
ffro yr hoỻ vyt. ac nyt oed lei y tỽryf
hỽnnỽ no chyt bei hoỻ dynyon y daear
a|hoỻ greaduryeit y|mor a|r awyr o|e hoỻ
aỻu yn gỽeidi ac yn ymffust. ac yna
gan y kynnỽryf hỽnnỽ pei nat amdif+
fynnit ef o nerth duỽ ac o dysc y gỽyr
a|e kynghorassynt ef diwethaf. ef a
goỻassei y synhỽyr. ac ot oed aruthyr
clybot y tỽryf; aruthrach oed yn|ol hyn+
ny idaỽ welet y diefyl o bob parth idaỽ
heb aỻu rifaỽ y saỽl diaỽl a oed yn ym+
ffust yno. Rei yn ffuryf diefyl. Ereiỻ
yn|diefyl anffurueid. ac yn|y wattwaru
ynteu ac yn|y geỻweiraỽ. ac megys yr
gỽattwar idaỽ yn|y rassaỽu; ac yn|dyỽ+
edut ỽrthaỽ val|hynn. Dynyon ereiỻ
a wassanaethassant ynni ac ny doeth+
ant attam hyt gỽedy angheu. Pony dy+
lyỽn ninneu rodi gỽerth a|vo mỽy ytti
o anrydedu ohonat ti an kedymdeith ̷+
as ni yr honn a gỽassaneytheist idi yn
| « p 45v | p 46v » |