LlGC Llsgr. Peniarth 11 – tudalen 146v

a|dyweit. Eissyoes ryỽ dychymyc yỽ hỽnn pan gaffei y ryỽ anry+

ded hỽnn yma heno. Pa drỽc yỽ hynny heb y ỻaỻ ef a|dal dros  y

letty auory kynn y uynet. ac ar|hynny nachaf y corr yn|dyuot.

A vnben heb ỽynt gỽarchadỽ di y marchaỽc hỽnn yn|da rac y

ffo ymeith heb wybot y neb. kanys gỽalchmei yỽ. ac ymynet

y mae ef o westy py gilyd. ac yn|dywedut y|mae gỽalchmei yỽ ef.

ac ynteu nyt tebic y walchmei. kanys pei efo vei. ef a|orvydei

arnam ni wylyat teir nos neu ynteu a|ỽylyei. A vnbennesseu

heb y corr ny dichaỽn|ef ffo kanys y varch yssyd y|m keitwadaeth i.

Yr|hynny yd oed walmei yn|gỽarandaỽ yn graff ar yr|hynn

yr oedynt ỽy yn|y dywedut. Ac ỽynteu a|aethant ymeith ac

a archassant y duỽ roi gorffowysua drỽc y walchmei. kysgu

ychydic a|wnaeth gỽalchmei y nos honno. A thrannoeth yr

aỽr y gỽeles oleu|r dyd ef a gychwynnaỽd y vyny. ac a|wis  ̷+

gaỽd y arueu ymdanaỽ. a|e varch a|gafas yn baraỽt. Ar+

glỽyd heb y corr ny bu vỽyn y gỽassaneythyeist di ar|y|mo+

rynyon a|vu yma neithywyr. ac ys maỽr a gỽyn yssyd gan+

thunt ỽy ragot ti. Ny aỻaf|i dim ỽrth hynny heb·y gỽalchmei.

ac ny ỽnn i haedu ohonaf chweith gogan arnunt ỽy. Ys|ma+

ỽr ˄o aovit yỽ ytti heb y corr ot ỽyt gyndrỽc di ac y dywedant ỽy

arnat. Gat udunt heb·y gỽalchmei dywedut yr|hynn a|vyn+

nont. kanys ny aỻaf|i ludyas udunt ỽy nac y neb vyng|go  ̷+

ganu o|r byd goreu ganthunt. Ac ny wnn i vnben y bỽy y di+

olchaf yr esmỽythdra a gefeis yma neithỽyr onyt y duỽ. A

phei damchweinyei ym welet yr arglỽyd bieu y pebyỻ hỽnn

neu|r morynyon neithywyr mi a|e|diolchỽn vdunt os gaỻỽn.

ac ar hynny