LlGC Llsgr. Peniarth 11 – tudalen 14r
Ystoriau Saint Greal
14r
dysgassei iosep idaỽ. drỽy yr hỽnn y kafas ef budugolyaeth
ac anryded a|goruot ar tolomeus. A|phan|doeth ef drachevyn y
dinas sarras ef a|datkanaỽd y|r bobyl ual y kauas budugo+
lyaeth drỽy wneuthur kynghor iosep. Ac ef a|ỽnaeth kyme+
int a chymryt bedyd ef a|naciens y daỽ y gan y|chwaer.
Ac ual yr oedit yn eu bedydyaỽ ỽy. nachaf gỽr yn|dyuot hei+
byaỽ gỽedy torri y drỽyn y ỽrthaỽ ac yn|dỽyn y drỽyn yn|y
laỽ. Ac yna Josep a|erchis idaỽ dodi y drỽyn ỽrth y|groes.
ac yr aỽr y kehyrdaỽd ef a|r|groes ef a aeth y|drỽyn yn hoỻ·iach.
ac ygyt a|hynny ef a|lynaỽd y groes o|r syndal ỽrth y drỽyn
heb aỻel vyth y|thynnv o·dyno. yna yn henỽ ar enalac ef
a|roet Moradrins. a chystal vu yn|y gristonogaeth ac y ka+
raỽd ac* y|karaỽd duỽ ef ual y geỻir y adnabot rac ỻaỽ. a|gỽe+
dy hynny ef a|damweinyaỽd y iosep ef a iosep y dat a|thalym
o|dylỽyth ygyt ac ỽynt kychwyn o dinas sarras. a|dyuot
hyt ym|bryttaen uaỽr a|orugant. A gỽedy eu|dyuot hyt
ym|brytaen ef a|doeth yn|eu|herbyn brenhin ffyrnic creula+
ỽn. a|gỽedy carcharu iosep a|e dat. ef a|aeth y chwedyl ar
draỽs yr ynyssed yny doeth o|diwed hyt yn sarras ~
A C yna moradrins a|dyvynnaỽd y gyfoeth y·gyt
ef a|naciens goch y daỽ y gan y chwaer. ac a|doethy+
ant hyt ym|brytaen uaỽr am benn y brenhin a|garcharas+
sei iosep. ac ny bu hir o enkyt yny oruuant ỽr ar y bren+
hin bioed y wlat ac ar y bobyl. Ac veỻy y goruuant ỽy
drỽy eu kristonogaeth ar hyt kỽbyl o vryttaen vaỽr. A
chymeint y karaỽd moradrins iosep. ac na mynnaỽd
| « p 13v | p 14v » |