LlGC Llsgr. Peniarth 11 – tudalen 241v

briwedic o|r casteỻ a|oedynt yn iachau yr hynn a|oed digrif gan

laỽnslot yny yttoedynt gyt ac ef yn cadỽ y casteỻ pymthec ar

hugeint o varchogyon heb y rei a|dugassit yng|carchar. Yma

y mae yr ymadraỽd yn tewi am laỽnslot. ac yn|traethu o arthur

ac  o  W  a  L  c  H  m  e  i. 

E rR* ymadraỽd yssyd yn|dywedut vot arthur a gỽalch+

mei yn|y ỻe y dywaỽt yr offeiryat y walchmei pa|delỽ

y ganydoed. ac ny aỻassant ỽy vynet odyno ar|eu hewyỻys. ka  ̷+

nys anores vastart yr hỽnn oed vraỽt y nabigans o|r greic.

a|gỽalchmei a ladyssei y nabigans hỽnnỽ o achaỽs meliot o

loegyr. ac anores a|wybu eu bot ỽy yno ac a|gasglaỽd ỻawer o

varchogyon urdolyon gyt ac ef. ac a|doethant o|e hattal yn|y casteỻ.

anores a|dywaỽt nat eynt ỽy o·dyno yny darffei udunt daly gỽal+

chmei. ac arthur. neu|ỽynteu a veynt varỽ o|newyn. Nyt oed neb

gyt arthur y myỽn namyn gỽalchmei a phump marchaỽc ur+

daỽl o|r wlat y·gyt ac ỽynt. ac yr|oed gyt ac anores pump march+

aỽc ar|hugeint. Yna y brenhin a|dywaỽt ỽrth walchmei nat oed

anrydedus udunt ỽy vot myỽn gỽarchae ual yr oedynt. a|bot yn

weỻ udunt veirỽ drỽy anryded. no bot yn vyỽ drỽy gewilyd. arthur

a|gỽalchmei a|r pump ereiỻ a|wisgassant eu harueu ymdanunt

diwarnaỽt. ac a|doethant aỻan. a·nores a|e|wyr ynteu a|e herbyn+

nassant ar|benneu eu gỽ˄aewyr. Yna arthur a|gỽalchmei ac eu ke+

dymdeithyon a|draỽssant yn eu|plith. a|phob vn onadunt o nadunt*

a vỽryaỽd vn o|r ỻeiỻ y|r ỻaỽr. Ac yna anores a|gewilydyaỽd yn