LlGC Llsgr. Peniarth 11 – tudalen 275v
Ystoriau Saint Greal
275v
fford idaỽ y drigyaỽ yno hỽy no hynny. kanys ef a|aei y
nethau* gỽalchmei os gaỻei. yr vnbennesseu a|diolchassant
idaỽ y lauur ac a|aethant drachevyn. a|r neiỻ o|r morynyon
a|gymerth march y gỽr marỽ. a|r ỻaỻ a|gymerth march
y corr. Meliot ynteu a gerdaỽd racdaỽ megys yr hỽnn a
uynnei yn|ỻawen glybot chwedleu y ỽrth walchmei. Ac ual
y byd ef yn marchogaeth ueỻy. ef a|welei uarchaỽc yn dy ̷+
uot a brys maỽr arnaỽ ac yn aruaỽc. Tydi uarchaỽc heb
ef ỽrth veliot. A wdost di dwedut* ymi vn chwedyl y ỽrth y
marchaỽc o|r galis. Beth a vynnut ti ac efo heb·y|meliot.
Arglỽyd heb ef y marchaỽc o|r|tỽr coch a|beris dwyn gỽalch+
mei hyt y|myỽn ỻannerch o|r fforest honn. yn|y ỻe y byd re+
it idaỽ ymlad heb arueu a|ỻeỽ. ac y|mae yn aros yn·y del y
marchaỽc o|r galis. yr hỽnn a|dyly dwyn ygyt ac ef dwy vo+
rynyon. ac yr rei hynny y rydheir y ỻeỽ gỽed* ỻader gỽalch+
mei. A|vyd yr ymlad ryngthunt ỽy y·raỽc heb·y meliot. Na
vyd heb ynteu yny del y marchaỽc o|r galis. yr hynny y mae
gỽalchmei yno gỽedy y rỽy·maỽ ỽrth brenn yny del ef. ac y
mae yn|y warchadỽ deu uarchaỽc urdaỽl. a dywet titheu y
minneu o|r gỽdost un chwedyl y ỽrth y marchaỽc o|r galis.
Kerda ragot heb·y meliot a|thi a|wybydy chwedleu y ỽrth+
aỽ yn ehegyr. Meliot a|gerdaỽ*. ac a|dynessaaỽd att y ỻannerch
yr|honn yr|oed walchmei yndi. Ac yna ef a|arganuu y mar+
chogyon yn gỽarchadỽ gỽalchmei. ac ot oed ovyn ar walch+
mei.
| « p 275r | p 276r » |