LlGC Llsgr. Peniarth 15 – tudalen 41

balcher yn gyff y|r Seith brifwyt ~ ~ ~ ~ ~ ~ ~ ~

T raether bellach am y|kampev ysprydolyon ysẏd yn wrthwẏneb y|r gwy+

dyev Seith ysyd o|r kampev yn erbyn y|seith briwyt ac a|elir* ev dẏall

ar vn geir seithlẏthyrawc megẏs y|seith briwyt Seith* yw y|geir

hwnnw kvchade o|r k. kymer karẏat ysyd vrthwẏneb y|gynghorvẏnt

a|e geinghev y|geinghev kynghorvẏnt drwẏ vrthwẏnebv pob vn o|r seith

gamp yn erbẏn y|seith|wyt o|r. v. kymer vfẏdawt ysẏd ỽrthwẏneb y|val+

chder o|r. c. kẏmer cẏmedrolder ẏsẏd ỽrthwyneb ẏ|lẏthineb o|r. h. kymer

haeloni ysyd vrthwẏneb y|agawrdeb o|r. a. kẏmer anmẏned ẏsyd ỽrth+

wyneb y|irlloned o|r d. kymer diweirdeb ysyd vrthwẏneb y|aniwendeb* o|r

.e. kymer ehvdrwẏd ysyd vrthwyneb y lesged y|prif|wydyev brathev an  ̷+

ghevolẏon ẏnt y|lad yr eneit onnẏ|byd medẏginaeth a|e gwaretto Tri ryw ve+

dyginyaeth ẏsẏd ẏn|ẏ herbyn nyt amgen. Edivarwch medwl kyffes tavawt

A|phenẏt gweithret megys y|megir y|gwydẏev o|vedwl a|geir a|gweithret

Ac velle y|tervẏna y|ran gyntaf o|r llyuyr hwn o|r gwẏdyev gocheladwẏ

a|r kampev arveradwẏ ~ ~ ~ ~ ~ ~ ~ ~ ~ ~ ~ ~ ~ ~

T raether bellach am dwẏwawl garyat drwy yr hwn y|kyssyllder. y.

kreawdyr dvw a|e kreadvr dẏn ac ẏn gẏntaf reit yw gwybot

beth yw caryat A|pha|wed ẏ|gwehenir keingev caryat ac o|b*|fford y|dw*  ̷

kyffyawn garyat Seint awstin a|dẏweit val hẏn beth yw carẏat Ka  ̷+

ryat yw neb·vn vẏwẏt ẏn kyssẏlltv devpeth ẏgẏt nev yn eidvnaw

ev|kẏssylltv Dev ryw garyat yssyd nyt amgen karyat serchawl

trigedic tragẏwẏdawl a|chgaryat* ellẏlleid difvlannedic amsserawl

ẏ|kyntaf a|dodir ar beth parhavs tragẏwẏdawl ac a|gyssẏlltir Ac ef

yn dragẏwẏd. Yr eill a|dodir ar beth amsserawl tranghedic ac ẏgẏt

ac ef y|treing ac ẏ|difvlanna Y kyntaf caryat perffeith yw kanys peth

perffeithgwbyl tragẏwẏdawl a|gar Sef yw hwnnw dvw Yr eil caryat

Amperffeith yw kanys amperffeith yw carv y|peth y|galler y|gassav

ac ymwahanu ac ef ac aghenn yw ymwahanv a|peth darvodedic

Y kyntaf a|elwir kvedserch nev anwẏlserch kanẏs kv ac anwyl

vot y|serch ac* gyssẏllto y serchawl a|e garyat yn dragywyd yr eil

a|elwir ynvytserch kanys ynvẏt yw y|serch a|difvlanno gẏt a|e serch+

awl Am hynnẏ tremegedic yw y kẏfvrẏw garẏat hwnnw ar dwyll  ̷+

garyat Y kyntaf ysyd berffeithgwbyl eidvnserch anrydedvs hwnnw

kanẏs dwywawl yw gwrthwyneb y|r caryat arall knawdawl yw

llẏma. y|fford y|daw yr annwẏlserch gwẏnnvydic hwnnw y|drinda+

wt vendigidic o|nef kreawdẏr pob peth o|r a|wneler* ac ar ny weler

yndaw e|hvn ysyd pob peth kanẏs ydan tri pheth y|kynnhelir