LlGC Llsgr. Peniarth 15 – tudalen 90

onnẏt kẏfẏawn gẏfvẏrgolledigaeth Ac ẏn|ẏ mod hwnn. y|bv varw ef drostwnt

wẏ kannẏs pob Ennwir yr dechrev bẏt a|gẏtsẏnnyawd am anghev crist

Ac am hẏnnẏ y|dywedir Ef a|daw hynn oll o|drẏgoed ar y|genedyl honn. Discipulus.

Os crist yssẏd wir trvgared a|e trvgaredev dros yr holl weithredoed Ac

yntev gwedy rẏ|dẏvot y|alw y|pechadvryeit ac nẏt y|rei gwiryonn paham

na|thrvgarahawd yntev wrthvnt wẏ. Magister. Trvgarawc yw dvw wrth y|rei a

adnapont ev bot yn drvein Y rei ennwir a|debygant ev bot yn wirẏonn

ac wrth hẏnnẏ nẏ eilw yr arglwyd wynt megẏs y|dywedir nẏ thrvgei*+

rehe di wrth bawp a|wnel enwired. a|channẏs yntev yssẏd drvgarawc

a|chẏfẏawn Os ef a|trvgarhaey wrth aelodev diawl a|chẏfyawn vydei hẏnny

trvgared a|vẏd y|rei gwirẏon a|chẏfẏawnder y|rei enwir a|thrvgarawc yw

wrth yr holl weithredoed ẏ|gwr a|tywẏnna yr hevl ar wiryon ac enwir ac

a|dyry glaw vdvnt Ac a|e pyrth. Discipulus A|oes arwydon y|gallir adnapot yrwg

da a|drwc. Magister. Oes y|rei gwiryon a|vẏd da ev kytwẏbot a|e gobeith Ac wy+

nebev hygar vdvnt a|llegeit* vdvnt yn echtywynnygv o|dawn a|cherdedẏat

araf kyfvaratal* a|geirev melẏs gantvnt o|rẏbvched ev callonnev Y rei

drwc yntev. Yn drwc ev yn wẏneb crist Ac yn annwadal ev geirev a|e

gweithredoed ac yn agkẏfartal y|chwerthinat ẏn deimlẏawdẏr ev tristit

yn rẏwẏr a|r llall yn ehegẏr a|r gwenwẏn a|vo yn ev callonnev a|dya+

llant gan eirev amlwc chwerw. Discipulus O madevir pechodev yn anghev crist

paham y|n bedẏdir nynhev. Magister. Med seint awstin pechodev yn anghev crist  

a|vadevir o|chẏmerir. penyt yn ffẏd y|anghev ef Discipulus O|ba Sawl mod y|ma+

devir pechodev. Magister. O|seith. Discipulus pa|rei ynt wẏ. Magister. Yn gyntaf drwy vydyd*

yr eil drwẏ verthẏrolyaeth Trẏdẏd yw drwy benẏt a|chẏffes megys ẏ|dẏ+

wedir. Mi a|gẏffessaf ytt wẏ* agkyfyawnder a|thi a|vadevẏ ymi w* en+

wired petwerẏd yw drwy dagrev megys ẏ|dywedir Gwynn ev byt

ẏ rei a|gwynant kannẏs wẏnt a|didenir Y|pymet drwẏ alvssen megys

y|dywedir val y diffyd y|dwffvẏr* y|tan velle y|diffẏd yr alvssen y|pech+

awt Chwechet drwẏ vaddev ohonam y|r neb a|wnaeth kam ynn

megẏs ẏ|dywedir o madewch chwi y|r dynẏon ev camev ych|tat a|e maddev ẏ

chwithev seithvet yw drwy weithredoed caryat megẏs y|dywedir karẏat

a|gvd llvossogrwẏd pechodev Discipulus. Beth a|dal kyffes. Magister. kymeint Ac a|dal

bedyd kannys megys y|madevir y|pechodev dechrevawl ẏn|ẏ bedẏd velle

y|madevir y|pechodev gweithredawl drwẏ gyffes. Discipulus Oes varn. Magister. Dwẏ

varnn yssẏd y|dvw vn yman drwẏ gyffes a|r llall ẏ|dẏd diwethaf drwy

vrawdwr. a|r diawl yn gvhvdwr a|r dyn yn kamgelvs Yna yntev y|bẏd

yr offeireit viccar krist yn vrawdwr a|r dẏn yn gvhvdwr a|e gytwybot

ẏn|ẏ vrathv a|pwy|bynnac a|varnner ẏma nẏ cevhvder* yno megys ẏ|dẏwedir