LlGC Llsgr. Peniarth 18 – tudalen 56r
Brut y Tywysogion
56r
gon keredigyaỽn ym|pont lann ystyphann. ac y|ducpỽyt
y gorff y|vynyỽ. Ac y cladỽyt yn anrydedus y|gann
ioruerth escop mynyỽ yn eglỽys deỽi ger llaỽ bed
yr arglỽyd rys y|tat. Y ulỽydyn racỽyneb y|deuth
henri vrenhin a|chedernyt lloegyr ygyt ac ef
y|gymry ac aruaethu darestỽg llywelyn ap ioruerth.
A|holl tyỽyssogyon kymry idaỽ. Ac yn|y lle a|elỽir
keri y|pebyllaỽd. Ac o|r tu arall yr|coet yd ymgynn+
ullaỽd y|kymry ygyt. A llywelyn ap ioruerth y|tyỽyssaỽc
y|ỽrthỽynebu yr brenhin. Ac yna kyrchu eu gelyn+
nyon a|ỽnaethant. Ac ymlad yn duruyg ac ỽynt.
A gỽneuthur diruaỽr aerua arnunt. Ac yno y
delit gỽilym breỽys Jeuanc yn vrathedic. Ac y
carcharỽyt. A|thros y|ellygdaỽt ef y rodet y lyỽelyn
castell buellt. Ar|ỽlat a|diruaỽr sỽm o aryant.
Ac yna yd|ymhoelaỽd y|brenhin y loegyr yn geỽi+
lydyus eithyr cael gỽrogaeth ohonaỽ y|gann y
tyỽyssogyon a|oeddynt yno. A|phuruahu tagne+
ued yrygtaỽ a llywelyn ap ioruerth. Y ulỽydyn racỽynep
y|bu uarỽ Joruerth escop mynyỽ.
DEg|mlyned ar|hugeint a|deucant a mil
oed oet crist pann vorỽydaỽd henri vren+
hin a diruaỽr lu aruaỽc ygyt ac ef y
ffreinc. Ar veder ennill y|dylyet o|nordmandi
Ac angiỽ. A|pheittaỽ. Ac yn|ebrỽyd ỽedy hynny
o achos tymestyl a|marỽolaeth drỽy y|dỽyllaỽ
| « p 55v | p 56v » |