LlGC Llsgr. Peniarth 190 – tudalen 57
Ystoria Lucidar
57
dechreuo gỽneuthur da. ac odyna ymchoe+
lut ar enwired. y rei hynny y ỻittia duỽ
ỽrthunt. ac ny venyc y gỽas fford y|r mab
a|vo ar gyueilyorn y dyuot att y dat. ac o+
dyna yd ymchoel ef y weith. veỻy y tynn
y rei drỽc etholedigyon crist att duỽ. ac yd
ymchoelant ỽynteu ar eu dryc·lauuryeu.
ac megys y dỽc caryat y|r deyrnas ac nyt
a ef e|hun. veỻy ỽynteu. ac megys y gỽassa+
naetha diaỽl y duỽ. veỻy y gỽassanaetha
y aelodeu ynteu y|r etholedigyon. discipulus Pa delỽ
y gỽassanaetha diaỽl y duỽ. Magister Am dremy+
gu o·honaỽ ac ef yn dywyssaỽc gogonedus.
discipulus Ponyt ym plas y nef y gỽnaeth duỽ
ynteu. Magister Megys gof ỻauuryus yn|y byt
hỽnn. a|e gymeỻ ef yn gaeth y wassanaethu
o|e hoỻ nerthoed. megys y dywedir. Mi a|th
wnaf yn was caeth yn dragywyd. Einon
y gof hỽnn yỽ poen a|thraỻaỽt. Y vegineu
a|e yrd yỽ prouedigaeth. Y lifyeu ynt tauot+
eu y goganwyr a|r ymgeinuae*. ac ar y pei+
| « p 56 | p 58 » |