LlGC Llsgr. Peniarth 190 – tudalen 67
Ystoria Lucidar
67
wynt a|gaffant y geniuer poen yn ragor
rac ereiỻ ynghyueir y geniuer eneit a
goỻet oc eu hangreifft ỽy. neu a weỻygy+
assant oc eu hyachau gan bregethu udunt.
Odyna y dywedir. Mwy a holir y|r neb mỽy+
haf a|orchymynner idaỽ. ac eilweith y dyw+
edir. Y kedyrn a|odefant boeneu y pecha+
duryeit bydaỽl yn gadarn. megys y bren+
hined a|r braỽtwyr. o barnant yn gyfyaỽn
a thraethu gỽeineit yn drugaraỽc. mỽy
vyd eu gobrỽy ỽynteu noc ereiỻ y gan duỽ
y gỽr yssyd gyfyaỽn vraỽdỽr. Kanys a
wassanaetho yn da. tal da a geiff. Os ỽyn+
teu a vydant angkyfyaỽn a gostỽng y
bobyl trỽy greulonder mỽy vyd eu poen+
eu noc ereiỻ. kanys kaledach y bernir ar
y pennaduryeit. a barn heb drugared a
vyd ar y neb ny wnel trugared. discipulus Paham
y godef yr etholedigyon gỽrthỽynebed y
byt hỽnn y·gyt a|r rei drỽc a|e bot yn eu
plith. Magister|Am ymdreidyaỽ y myỽn petheu
| « p 66 | p 68 » |