LlGC Llsgr. Peniarth 190 – tudalen 95
Ystoria Lucidar
95
gỽelet ỻeoed tec a chlybot eu hoffi. Pỽy byn+
nac hagen a|el y bererindaỽt. a|da a enniỻo
o dwyỻ a|threis. vn|ffunyt yỽ gan duỽ a|r se+
int. a|dyn a|ladei vn mab arglỽyd yng|gwyd
y|dat. ac a|delei a|e dwylaỽ yn waetlyt attaỽ. discipulus
Paham na chanhadaỽd duỽ y|dyn gỽedy
bỽytaei vn·weith gaỻu bot heb vỽyt wyth+
nos. Magister|Newyn yỽ vn o boeneu pechaỽt a
dyn a|grewyt ual y gaỻei vot yn wynuyde+
dic vyth pei as mynnassei. a gỽedy dygỽyd+
aỽ o·honaỽ ny aỻaỽd ymchoelut o·nyt drỽy
lauur. a phei na|odefei ynteu newyn ac an+
nwyt ac anghymwynasseu ereiỻ ny lauur+
yei. ac veỻy ny deuei vyth y|r|deyrnas. ac ỽrth
hynny duỽ a odefaỽd newyn arnaỽ. megys
y bei dir idaỽ lauuryaỽ. a|gaỻu o·honaỽ o|r
achaỽs hỽnnỽ dyuot drachefyn. a|deaỻ di hyn+
ny am yr etholedigyon e|hun. kanys paỽb
a vyd yr poen y|r rei drỽc. discipulus A oes deruyn am
hoedyl megys na aỻo byw dros hynny
na marỽ kynno hynny. Magister Ef a|ossodes duỽ
y bop dyn pa|hyt y dylyo byỽ yn|y byt hỽnn.
| « p 94 | p 96 » |