LlGC Llsgr. Peniarth 32 (Y Llyfr Teg) – tudalen 252
Brut y Saeson
252
y drydyd vu vrenhines ẏn yscotlond. A dỽy ona+
dunt a vuant vanachessev. ~ ~ ~
[ Vn vlỽydyn a|naỽ|cant oed oeet* crist pan vle+
dychaỽd Edward vab eluryt. Ac hỽnnỽ a|oresgyn+
naỽd denmarck. Ac ydaỽ y bu pum|meib. Ac enỽeu
a* meibẏon oedunt. Edylstan. Alurẏt. Etỽin. Etmỽnt
Etryt. ac Edi y verch a vu ỽreic y charles vrehin freinc.
[ A gwedẏ hỽnnỽ y gỽledychaỽd Edylstan ẏ vab
ynteỽ yr hỽnn a gassoydit o orderchat. hỽnnỽ deor
a doyth oeed* ac vn vlỽydyn ar bymthec y gỽledychaỽd
ac y|malmmesberi y|cladỽyt [ Deugeint mlẏned
a naỽ|cant oed oeet crist pan vledychaỽd Edmunt vab
Edelstan. yn amser hỽnnỽ y dechreaỽd. dunstan
gossot grỽndỽal eglỽysseu ac adeilyat y|r abat kyn+
taf o|r saesson. ac y|r Edmỽnd hỽnnỽ y bu deu vab
nyt amgen. Edvin ac Edgar a|nebin herỽr a|e ỻas
a elvit leoff a|chỽe|blyned a hanner y gỽledychaỽd
ac yg|glascỽm y cladỽyt. [ Seith|mlynet a deu+
geint a naỽ|cant oed oeet crist pan ỽledychaỽd Etryt
y vraỽt ef hỽnnỽ a vỽ sant gỽar. Naỽ mlynet a haner
y gỽledychỽaỽd. ac y|ghaer ỽẏnt y cladỽyt. [ Pymtheg
mlyned a deugeint a naỽ|cant oed oeet crist pan ỽle ̷ ̷+
dychaỽd Etỽin y mab hynaf y Etmỽnd Jeuank hỽnnỽ
godinebus vỽ. ac am y ceiffo* o dunstan. y delylet ef
ac Oto archescob keint hyt yn flandrys. ac a|ỽnayth
manachloc malmysberi yn ystabyl meirch a pedeir|mlyned
| « p 251 | p 253 » |