LlGC Llsgr. Peniarth 35 – tudalen 105v
Llyfr Iorwerth
105v
Gwerth pob un. dimei. Neu ysgub
heid. A| hynny yny dotwont. Gwedy
dotwont. keinaỽc yỽ y werth. ~ ~ ~ ~
Iar. keinaỽc. a| tal. keil·aỽc. dỽy. keinaỽc. a| tal.
pob kyỽ ysgub geirch. Neu fyrling
yny esg·ynho. Gwedy hynny dimei
yny dotwo. Neu yny canho. Ac gỽe+
dy hynny. keinaỽc. a| tal;
Gellgi y brenhin o|r byd kyfrỽys
punt. O byd aghyfrỽys. ~
chweugeint. yn| y blỽyd tri ugeint.
yn| y kynllỽst. dec ar| ugeint. O|r pan
anher yny agorho y lygeit. pymthec.
Milgi y brenhin o byd kyfrỽys. ~ ~
chweugeint. O byd aghyfrỽys
tri ugeint. yn| y blỽyd. dec ar| ugeint.
yn| y kynllỽst. pymthec. O|r pan an+
her yny agorho y lygeit. seith a di+
mei Colỽyn brenhin. punt. Col+
ỽyn gỽr ryd. chweugeint. Colỽyn
mab eillt. pedeir. keinaỽc. un werth a|e costaỽc
Gellgi mab uchelỽr un [ tom.
werth a milgi brenhin. Milgi
mab uchelỽr. hanher gwerth y ellgi
Pa ki bynhac a uo y uab eillt. un
werth a|e costaỽc tom. Pỽy| bynnac
bieiffo costaỽc tom. pedeir; keinaỽc. a| tal.
| « p 105r | p 106r » |