LlGC Llsgr. Peniarth 35 – tudalen 41r
Llyfr Iorwerth
41r
ystu o|r haỽlỽr yr arglỽyd a|e ygneit
a|e wyrda na wadỽys y haỽl. A|e uot
yn treissỽr. A galỽ am uraỽt. yna
y mae iaỽn o godef y uraỽt yn| y ma+
es arnaỽ. y diuarnu yn tragywyd+
aỽl o|e warchadỽ. Os adaỽ y maes
a| wna yn agkyfreithaỽl; y diuarnu yn
oes yr arglỽyd bieiffo yr orssed hon+
no; Cany eing ym bro ny rodo gwir.
Pa amdiffynnỽr bynhac a sauo
gantaỽ kyghaỽs a chanllaỽ ac
ef e| hun yn trydyd. A cheissaỽ oet
vrth porth o·honaỽ. Nys dyly Ca+
nys hynny o dynyon yỽ y porth kyfreithaỽl.
Ny dyly kyghaỽs a| chanllaỽ seuyll
y gyt a neb a uo llei no chywerthyd
tri ugeint; Neu am tir a| dayar
a march ac eidon. ryd yỽ teruynu
pob amser. Nyt kayedic. kyfreith.
am tir eglỽys un amser y rygtunt
e hun Cany henyỽ oc yn kyfreith. ni. O
holant wynteu nini. Neu ninheu
wynteu. kayedic uyd. Ryd uyd
| « p 40v | p 41v » |