LlGC Llsgr. Peniarth 35 – tudalen 41v
Llyfr Iorwerth
41v
rannu tir pob amser Ony wedir dylyu
y rann yr bot yr amser yn gayedic; ~ ~
Val hyn y dyly brodyr rannu tir y
rydunt. Pedeir erỽ vrth pob tydyn
ac gỽedy hynny y symudỽys bledyn uab
kynuyn. Deudec erỽ yr mab uchelỽr
ac vyth yr mab eillt. A phedeir yr goda+
yaỽc. Ac eissoes kadarnhaf yỽ y mae pe+
deir erỽ yỽ y tydyn. Messur yr erỽ
kyfreithaỽl. pedeir troetued yn hyt y uerieu
vyth yn| y ueieu. Deudec yn| y gesseil+
yeu. Un ar| pymthec yn| yr hiryeu. A
gwialen kyhyt a| honno yn llaỽ y geil+
wat. Ar llaỽ arall idaỽ ar ysgỽr per+
ued yr hirieu . A hyt y kyrhaedo
a honno o bob tu idaỽ yỽ llet yr erỽ. ~
A dec ar ugeint yỽ hyt. Ereill a dy+
weit mae gwialen kyhyt ar gỽr hỽ+
yhaf yn| y tref a|e laỽ uỽch y pen ac un
ryỽ kerdet ar honno ac ar y llall. Ony
byd tei; y mab ieuhaf a dyly rannu yr
holl tref tat. Ar hynaf dewissaỽ. Ac o
hynaf y hynaf y uelly hyt ar yr ieuhaf
Os tei a uyd. y braỽt eil ieuhaf a dyly
ranu
| « p 41r | p 42r » |