LlGC Llsgr. Peniarth 35 – tudalen 85r
Llyfr Iorwerth
85r
deu y lleidyr. Nyt eneit uadeu ef. Ac Ony
eill talu diholher ual lleidyr. Pa dyn byn+
hac a diholer o uraỽt y kyfreith. a|e caffel yn| y wlat
dros yr oet a| roder idaỽ. Bit eneit uadeu
Ony cheiff a|e pryno Cany dyly ef y wlat
yn oes yr arglỽyd a|e diholo Onyt gan
dygymmot ac ef. Pỽy| bynhac y caffer
ol lledrat yn dyuot hyt y ty. Ac na allo
y hebrỽng y vrthaỽ. Bit anreith odef. ~
Ac Ony byd anreith iddaỽ diholer. Pỽy
bynhac y caffer lledrat yn| y ty gan uot
y kyuanhed yndaỽ. ket bo idaỽ ef a| catwo
y corff rac y lledrat. Ef eissoes a| dylyei ca+
dỽ y ty. Ac vrth hy·nny y barn y kyfreith. y ty yn
halaỽc ty. Ac a uo y gyt ac ef. Eithyr ad+
neu. Cany dyly perchennaỽc adneu cadỽ
ty arall rac lledrat. Ny byd collodic* ynteu
o|e adneu. Nyt oes yn| y kyfreith. lle y| dylyer
anreith cribdeil na myn yn un lle am lad
kelein. Pỽy| byn hac a uynho gỽneu+
thur dogyn uanac aet ar yr raglaỽ a
dywedet ry| wneuthur lledrat o dyn ny le+
ueis ef y dywedut arnaỽ. A|e rac y uonhed.
A|e rac y uedyant. yna y mae iaỽn yr rac+
laỽ dyuynnu yr effeirat attaỽ. A dywedut
| « p 84v | p 85v » |