LlGC Llsgr. Peniarth 36A – tudalen 42v
Llyfr Blegywryd
42v
Or byd discyfrith; dimei y dyd a cheinhaỽc
y nos. Os discyfreitha y deilat oll y march
pan dalher ar yr yt. talet tri buhyn cam ̷+
lỽrỽ yr brenhin. or byd hagen vn egỽyt
am yr vn troet ny dyly colli dim. O pob
eidon buarth; dimei y dyd a cheinhaỽc
y nos. Or kadỽ kyfreith or moch; dalyet
yr hỽch a dewisso eithyr y tri llydyn ar ̷+
benhic. ac yna kyniget yg|gỽyd tyston
yr perchenhaỽc. ac onys dillỽg oe chyfre ̷+
ith gỽnaet y deilat y defnyd o·honei.
Or kadỽ kyfreith or deueit. dauat a gaffir.
a phyrllig o pob pump llydyn hyt y ka ̷+
dỽ kyfreith . Meint y kadỽ kyfre ̷+
ith or deueit. dec llydyn ar| hugeint a hỽrd
Meint y kadỽ kyfreith or moch; deudec
llydyn a baed. O pob oen y telir ỽy iar hyt
y kadỽ kyfreith. ac yna y telir oen. Or gei ̷+
uyr ar mynneu y dadyl gyffelyb. Y neb
a gaffo gỽydeu yn| y yt; torret ffon kyhyt
ac o pen y elin hyt ym pen y bys bychan.
yn| y brasset y mynho. a lladet y gỽydeu
| « p 42r | p 43r » |