LlGC Llsgr. Peniarth 36B – tudalen 22
Llyfr Blegywryd
22
megys lygatrudyaet*. neu tauaỽtrudy+
aeth neu. neu* weithret a vo llei
nor mỽyaf Sef yỽ y mỽyaf;
kolofyn kyfreith.
Kyntaf o naỽ affeith galanas
yỽ menegi yr llofrud lle y bo y
dyn a vynnei ef y lad. Eil yỽ rodi kyg ̷+
hor y lad y dyn. Trydyd yỽ; discỽyl
brat ar dyn. Petwyryd yỽ dangos
y dyn yr lloffrud a vynhei ef y lad.
Pymhet yỽ mynet yg|kedymdeithas
y llofrud pan el y lad y dyn. whechet
yỽ dyuot gyt ar llofrud yr tref y
bo y|dyn a|lather yndi. Seithuet
yỽ kymorth y llofrud o lad y dyn.
ỽythuet yỽ arrỽydaỽ hyny del y
dyn ae llatho. Naỽuet yỽ etrych
ar lad y dyn gan y odef. Dros
pob vn or tri kyntaf or affeitho ̷+
ed oc adefir. naỽ vgeint a telir a
| « p 21 | p 23 » |