LlGC Llsgr. Peniarth 38 – tudalen 20r
Llyfr Blegywryd
20r
del amser medi. ac ymchoelut y gefyn ar|y
das ony daỽ y braỽt hynaf a|r teilygaf. O|r
daỽ a vo teilygach; ef a|e keiff oll. Os y kyf ̷ ̷+
felyb a|daỽ; y kyffelyb ran a geiff. Os data+
nhud karr a vernir y dyn. o|e dyfot a|charr y|r
tir. gorffoỽys yno a|geiff naỽ niỽarnaỽt. ac
yn|y naỽuet dyd y dyry atteb. ac yn|yr eil na ̷+
ỽuet dyd. barn. os trỽy datanhud gyt a beich
kefyn y doeth y|r tir a|gynhalyassei y tat hyt
varỽ. gorffoỽys tri dieu a|geiff. ac yn|y try+
dyd y dyry atteb. ac yn|y naỽuet dyd barn.
Py diỽ bynhac y barnher datanhud; ny
dichaỽn neb o gyfreith y ỽrthlad ohonaỽ.
onyt etifed priodaỽr ar datanhud herỽyd
oet. sef yỽ hỽnỽ yr hynaf. kany dichaỽn yr
eil datanhud gỽrthlad y kyntaf. ac ny|di ̷ ̷+
chaỽn amriodaỽr gỽrthlad amriodaỽr a+
rall. ac o|r byd amrysson rỽg deu etifed gy+
drychaỽl; ny|dichaỽn vn gỽrthlad y gilyd
o gyfreith. O|r deu etifed gyfreithaỽl. vn a
| « p 19v | p 20v » |