LlGC Llsgr. Peniarth 38 – tudalen 26v
Llyfr Blegywryd
26v
fon ny|phieiffo; trayan y pyscaỽt a|geiff ef. a|r
deuparth y perchen y dofyr*. Ny|cheiff neb pen ̷+
kenedlaeth nac eissydyn arbenhic. na sỽyd o vr+
eint tir o pleit mam. kyn kanhater ran o tir id+
aỽ. o|r byd neb o pleit tat a dylyho. Teilygach eis+
soes y kaffel o dyn o pleit mam y rei hynny; no|e
gaffel o estaỽn*. O|r ymrỽym gỽreic ỽrth ỽr heb
gyghor y chenedyl; y plant a ennillo o hỽnnỽ ny
chaffant ran o tir y gan genedyl eu mam o gyf+
reith. O|r dyry ryeni neu genedyl ỽreic tlaỽt y
alltut. y plant o|r alltut a gaffant ran o tir y gan
genedyl eu mam. ac ny|chaffant yr eissydyn arben+
nic hyt y tryded ach. ac o|r ryỽ gyniỽedi honno
y nescir gỽarthec dyfach y eu talu dros alanas.
o|r llad mab yr alltut o|r ỽreic honno gelein; ke+
nedyl y vam a|tal yr alanas oll. kanyt oes genedyl
y|r alltut y galler rannu galanas arnunt na dial.
O|r tyrr llog ar tir escob; deu|haner vyd yr ennill
rỽg y brenhin a|r escob. os ar tir y brenhin y tyrr.
y brenhin bieiuyd yr ennill. B·eth bynhac a
vyrhyo y morgymlaỽd y|r tir. megys torri ~
| « p 26r | p 27r » |